Թուրքերը կարևոր ժեստ են համարում ռուսական օդանավակայանը թաթար գրողի անունով կոչելը

Տարածաշրջան09:27, 07 Դեկտեմբեր 2018

Թուրքերը կարևոր ժեստ են համարում ռուսական օդանավակայանը թաթար գրողի անունով կոչելը

Թուրքական իշխանամետ «Sabah» պարբերականն անդրադարձել է Ռուսաստանում կայացած առցանց քվեարկությանը, որով փոխվել են ռուսական մի շարք օդանավակայանների անվանումները։

Թուրքերի ուշադրությունը գրավել այն, որ նախկին Կազանի օդանավակայանին տրվել է ծագումով թաթար գրող և հրապարախոս Աբդուլահ Թուքայի (1886-1913թթ.) անունը:

Աղբյուրն ընդգծում է, որ Թուքայի անունով օդանավակայանը կոչելը կարևոր ժեստ է Ռուսաստանի կողմից՝ ուղղված Թուրքիային։ Ինչպես հայտնի է, թաթարները թյուրքալեզու ժողովուրդ են և մշտապես գտնվում են Թուրքիայի ուշադրության կենտրոնում։ Օդանավակայանը թաթար գրողի պատվին անվանակորելու օգտին քվեարկել է 68.593 մարդ։

Նշենք, որ Մոսկվայի խոշոր օդանավակայաններից «Շերեմետևը» վերանվանվել է ի պատիվ ռուս գրող Ալեքսանդր Պուշկինի, իսկ «Դոմոդեդովո» օդանավակայանը՝ աշխարհահռչակ ռուս գիտնական Միխայիլ Լոմոնոսովի անուններով։ Իսկ Ղրիմի «Սիմֆերոպոլ» օդանավակայանը անվանակոչվել է աշխարհահռչակ հայ ծովանկարիչ Հովհաննես Այվազովսկու անունով։

Աղբյուր` Sabah

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։