Տարածաշրջան10:13, 06 Դեկտեմբեր 2018
Թուրք վերլուծաբան. «Իսրայել-Թուրքիա հարաբերություններն այդքան վատ չեն, որքան երևում են արտաքուստ»
Euronews-ի թուրքական ծառայությունում վերլուծական հոդված է հրապարակվել թուրք-իսրայելական հարաբերությունների մասին։ Հոդվածի հեղինակ Մենեքշե Թոքյայի դիտարկմամբ վերջին ժամանակներում թուրք-իսրայելական հարաբերությունները տարաշաշրջանային հարցերում բավականին սրվել են։ Կողմերի միջև անհամաձայնությունները շարունակվում են Գազայի և Պաղեստինի հարցերում։ Երկու երկրների դիվանագիտական հարաբերություններում լուրջ ճգնաժամ է առաջացել, որի հետևանքով Իսրայելը հետ է կանչել իր դեսպանին և Ստամբուլում գտնվող հյուպատոսին։ Թուրքիան էլ Իսրայելից է իր դեսպանին հետ կանչել։
Չնայած իսրայելցի պաշտոնյանների հայտարարություններին, թե պարարտ հող չկա հարաբերությունների կարգավորման համար, այնուամենայնիվ, հեղինակը կարծում է, որ իրականում այդ երկու երկրների փոխհարաբերություններն այդքան վատ վիճակում չեն, որքան երևում են արտաքուստ։
Թոքյայը մեջբերում է Իսրայելի տարաշրջանային քաղաքականության ինստիտուտի նախագահ Նիմրոդ Գորենի խոսքերը.
«Թվում է թե, գաղափախոսական տարաձայնությունները Իսրայելի վարչապետի և Թուրքիայի նախագահի միջև չեն անհետանա։ Այնուամենայնիվ, երկու երկրների միջև գոյություն ունեցող տնտեսական կապերը կարող են նպաստել երկու առաջնորդների միջև անհամաձայնությունների նվազեցմանը»:
Հոդվածի հեղինակը հիշեցնում է, որ երկու երկրների միջև հաճախակի կազմակերպվում են կոնֆերանսներ, ժողովներ, որոնք նպատակ ունեն ամրապնդել տնտեսական և քաղաքական հարաբերությունները։ Մասնավորապես նկատի է տալիս, որ Իսրայելն և Թուրքիան ամրապնդում են ներդրումային քաղաքականությունը։ Իսրայելցի մի շարք գործարարներ շարունակում են ներդրումներ կատարել Թուրքիայում, իսկ թուրքերը՝ Իսրայելում։
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Հարձակումն կատարած անձը ձերբակալվել է: Դեպքի հանգամանքները պարզվում են:
Թուրքական մամուլում որպես պատճառ նշվում է իրանական նավթի ներկրումը:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Նշվում է, որ աշխատանքներ են տարվում Թուրքիայից դեպի Հալեպ և Իդլիբ էլեկտրաէներգիա և գազ փոխադրելու 2 նոր գծի վրա։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |