Եվրամիությունը 146 մլն եվրոյով կրճատել է Թուրքիային տրամադրվելիք աջակցությունը

Միջազգային08:48, 06 Դեկտեմբեր 2018

Եվրամիությունը 146 մլն եվրոյով կրճատել է Թուրքիային տրամադրվելիք աջակցությունը

Եվրոպական խորհրդարանը և ԵՄ անդամ երկրները քննարկել ու համաձայնության են եկել Եվրամիության (ԵՄ) 2019 թվականի բյուջեի վերաբերյալ։ Հաջորդ տարվա ԵՄ բյուջեն կկազմի 148․2 մլրդ եվրո, որից 1․45մլրդ եվրո կտրամադրվի Թուրքիային՝ փախստականներին աջակցելու նպատակով։

Իսկ եվրաանդամակցության բանակցությունների համատեքստում Թուրքիային տրամադրվող ֆինանսական աջակցությունը զգալիորեն նվազեցվել է, ինչի արդյունքում Թուրքիան նախատեսվածից 146․7 մլն եվրոյով պակաս աջակցություն կստանա 2019 թվականի համար։

Եվրամիության և Թուրքիայի միջև 2005թ․ սկսված անդամակցության բանակցություններն այս պահին փաստացիոեն սառեցված են։ 2016թ․ ձախողված հեղաշրջմանը հաջորդած մասսայական ձերբակալություններից ու կալանավորումներից հետ Եվրամիությունը հրաժարվեց Թուրքիայի հետ բանակցությունների շրջանակն ընդլայնելու մտադրությունից։

ԵՄ-ի 2019թ․ բյուջեն հաջորդ շաբաթ քվեարկության կդրվի խորհրդարանում և անդամ երկրներում։ Ակնկալվում է, որ կողմերը կհաստատեն բյուջեի նախագիծը։

Աղբյուր` mynet.com

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: