Իրավական09:34, 06 Դեկտեմբեր 2018
ԵԽ. «Թուրքիայում որոշ մարդկանց ապրելն արդեն դարձել է անհնար»
Եվրոպայի խորհրդի (ԵԽ) մարդու իրավունքների հանձնակատար Դունյա Միյատովիչը հայտարարել է, որ Թուրքիայում գործող ահաբեկչության դեմ պայքարի մասին օրենքներն ուղղակի ահնրան են դարձնում այդ երկրում որոշ մարդկանց ապրելը:
Միյատովիչը նման հայտարարությամբ է հանդես եկել «Եվրոպայում ահաբեկչության դեմ պայքարի օրենքների չարաշահման ազդեցությունը խոսքի ազատության վրա» թեմայով զեկույցի ժամանակ:
Ըստ ԵԽ բարձրաստիճան պաշտոնյայի՝ ահաբեկչության դեմ պայքարը յուրաքանչյուր կառավարության օրինական իրավունքն է, սակայն այն չպետք է իրականացվի մարդու իրավունքների խախտումների ու խոսքի ազատության սահմանափակումների գնով:
Միյատովիչն, անդրադառնալով զեկույցի՝ Թուրքիային վերաբերող բաժնին, ասել է. «Թուրքիայում ահաբեկչության դեմ պայքարի նպատակով ընդունված մի շարք օրենքներ անհնար են դարձնում որոշ մարդկանց ապրելն այդ երկրում: Կան մարդիկ, որոնք ազատազրկված են զուտ այն պատճառով, որ դիտվել են որպես պոտենցիալ ահաբեկիչ, կամ որևէ կերպ առնչություն են ունեցել ահաբեկչական ինչ-որ դրսևորման հետ: Մտադիր եմ այս թեման քննարկել թուրքական իշխանությունների հետ Թուրքիա կատարելիք առաջիկա այցիս ժամանակ»:
ԵԽ հանձնակատարը խոսել է նաև Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) բանտարկված նախկին համանախագահ Սելահաթթին Դեմիրթաշի վերաբերյալ ՄԻԵԴ-ի (Մարդու իրավունքների եվրոպական դատարան) կայացրած վճռի մասին, որով պահանջվել էր վերացնել Դեմիրթաշի կալանքը: Միյատովիչը Թուրքիային հորդորել է ենթարկվել ՄԻԵԴ-ի վճռին:
Միյատովիչը թուրք գործարար, ակտիվիստ, Հայոց ցեղասպանությունը ճանաչած հայտնի հասարակական գործիչ Օսման Քավալայի կալանքի տակ գտնվելու մասին էլ ասել է հետևյալը.
«Նա ճանաչված բարեգործ ու ակտիվիստ է: Մենք նրա հետ կապի մեջ ենք, սակայ ամենակարևորն այն է, որ մարդիկ չպետք է առանց մեղադրանքի ազատազրկվեն: Ես սա չեմ ընկալում որպես անկախ դատարանի որոշում: Սա ավելի շատ հիշեցնում է քաղաքական ճնշում Թուրքիայի քաղաքացիական հասարակության կարևոր անդամի նկատմամբ»:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |