Իրավական09:08, 05 Դեկտեմբեր 2018
Էրդողանը իրեն վիրավորելու մեղադրանքով դատի է տվել Գյուլի նախկին խորհրդականին
Թուրքիայի ներկայիս նախագահ Ռեջեփ Թայիփ Էրդողանը դատի է տվել Թուրքիայի 11-րդ նախագահ (2007-2014թթ.) Աբդուլլահ Գյուլի նախկին խորհրդական Ահմեթ Սևերին: Պատճառը Գյուլի մասին Սևերի հեղինակած «Վկայություններս են. թող մեջս չմնան» վավերագրական գրքում Էրդողանի հասցեին տեղ գտած որոշ արտահայտություններ են:
Բացի Էրդողանից Սևերի դեմ հայցեր են ներկայացրել նաև Թուրքիայի տեխնոլոգիաների և արդյունաբերության նախարար Մուստաֆա Վարանքը, Էրդողանի գլխավորած «Արդարություն և զարգացում կուսակցության» (ԱԶԿ-AKP) անդամ, մեջլիսի փոխնախագահ Մուստաֆա Շենթոփը:
Դատական հայցերի հիման վրա Ստամբուլի գլխավոր դատախազությունը Սևերի նկատմամբ «պետական պաշտոնյային և հանրապետության նախագահին վիրավորելու» մեղադրանքով հետաքննություն է սկսել:
Գրքի հեղինակի վերաբերյալ ընդհանուր առմամբ 4 դատական գործ է բացվել, մեկը՝ Էրդողանի, մեկը՝ Վարանքի, 2-ն էլ՝ Շենթոփի առանձին-առանձին ներակայացված հայցերի հիման վրա:
Էրդողանի փաստաբան Ահմեթ Օզելի կողմից ներկայացված հայցում գրքից մեջբերված ներքոնշյալ հատվածները:
- Մեր առջև մի իշխանություն կար, ավելի ճիշտ մի մարդ կար, որը ռումբերից ավելի վտանգավոր էր համարում գրքերը:
- Էրդողանի ապագայի վերաբերյալ այլևս ոչինչ չկա ասելու:
- Մի ասածը մյուսին չի համապատասխանում, շարունակաբար հակասում է ինքն իրեն:
- Ամեն ինչ զոհաբերվել է մեկ մարդու անհագուրդ ախորժակին…
- Ռեջեփ Թայիփ Էրդողանի իշխանությունը պահպանելու համար մի համակարգ է ստեղծվել: Բոլորին վախեցնող, կոտրող, լռեցնող այդ համակարգը ամենուր հետախույզներ ու ժանդարմներ ունի:
- Արդյո՞ք Էրդողանն ընդհանրապես չի դավաճանում…:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |