Իրավական11:57, 04 Դեկտեմբեր 2018
Թուրքիայում ձերբակալվում են 100-ավոր զինվորականներ
Թուրքիայի Կայսերի քաղաքի հանրապետական դատախազության վարույթում գտնվող քրեական գործով 29 զինվորականի ձերբակալման որոշում է կայացվել։
Թուրքիայում ահաբեկչական կառույց համարվող Ֆեթհուլլահական խմբավորման (FETÖ/PDY) դեմ տարվող գործով կակածյալների հայտնաբերման նպատակով հատուկ գործողություններ են կազմակերպվել։ Կայսերիի ոստիկանության կազմակերպված հանցագործությունների դեմ պայքարի բաժնի աշխատակիցները Կայսերիում, Անկարայում, Ադանայում, Էսքիշեհիրում, Իզմիրում, Մուղլայում և Մարդինում նախապես բացահայտված հասցեներում միաժամանակյա գործողություններ են իրականացրել։ Արդյունքում ձերբակալվել է 20 մարդ, ևս 9 անձ որոնվում է։
Նմանատիպ գործողություններ են իրականացրել նաև Կայսերիի ոստիկանության ահաբեկչության դեմ պայքարի ստորաբաժանումները Թուրքիայի 13 նահանգներում։ Այս գործողության ընթացքում հայտնաբերվել և ձերբակալվել են որոնվող 39 անձանցից 31-ը։
Անկարայի գլխավոր հանրապետական դատախազությունն էլ ձերբակալման որոշում է կայացրել FETÖ-ի հաղորդակցման միջոց համարվող «Bylock» բջջային հավելվածից օգտվելու մեջ մեղադրվող 10 անձի վերաբերյալ։ Կատարված գործողությունների արդյունքում ձերբակալվել են նրանցից 7-ը։
Ստամբուլում ևս գլխավոր հանրապետական դատախազության որոշմամբ հատուկ գործողություններ են իրականացվել՝ FETÖ-ի հետ կապի մեջ կասկածվող 96 անձի բերման ենթարկելու նպատակով։ դեկտեմբերի 4-ի առավոտյան իրականացված միջոցառումների արդյունքում ձերբակալվել է 55 անձ։
FETÖ-ի ենթադրյալ դաշնակիցների բացահայտման ուղղությամբ գործողություններ են կազմակերպվել նաև Քոջաելիի հանրապետական դատախազության որոշմամբ։ Գործով 13 կասկածյալի հայտնաբերման նպատակով Քոջաելիում, Ստամբուլում, Անկարայում և այլ նահանգներում գործողություններ են իրականացվել։
Հայտնի է, որ բոլոր այս գործողությունների ընթացքում որոնվող կամ հայտնաբերված անձանց մեծ մասը նախկին կամ ներկա զինվորականներ են։
Այս ենթաբաժնի վերջին նորությունները
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Իտալական մամուլի տեղեկություններով՝ նրանք կասկածվում են «Մակկինա դի Սանտա Ռոզա» տոնին հնարավոր հարձակման նախապատրաստման մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |