Միջազգային11:55, 03 Դեկտեմբեր 2018
Կանադական պետական լրատվամիջոցը անդրադարձել է PKK-ին․ Թուրքիայում վրդովված են
Կանադական պետական «CBC» լրատվամիջոցը Թուրքիայում և Կանադայում պաշտոնապես ահաբեկչական խմբավորում ճանաչված «Քուրդիստանի բանվորական կուսակցության» (ՔԲԿ-PKK) կին զինյալների մասին լուր է հրապարակել։
Աղբյուրն անդրադարձել է քուրդ լուսանկարիչ և ռեժիսոր Զայնե Աքյոլի՝ «Rojeke» («Մի օր») խորագրով լուսանկարչական ցուցահանդեսին։ Նոյեմբերի 22-ին Մոնրեալում բացված ցուցահանդեսը բաղկացած է ընդամենը 20 լուսանկարից և պատմում է Քանդիլ լեռան վրա PKK-ի անդամ կանանց առօրյայի մասին։
Կանադական լրատվամիջոցը պատմում է, որ Աքյոլը այդ լուսանկարների համար ստիպված է եղել օրեր շարունակ ապրել Քանդիլում՝ PKK-ական կանանց հետ։ Թեմային անդրադարձած թուրքական մամուլն էլ նկատել է տալիս, որ լուրում PKK-ն ներկայացվում է որպես «Թուրքիայի արևելքում անկախ քրդական պետություն ստեղծելու նպատակով պայքարող ապստամբների անօրինական խումբ»։
Օտտավայում Թուրքիայի դեսպան Սելչուք Ունալը, անդրադառնալով վերոնշյալ ցուցահանդեսին, հիշեցրել է, որ ավելի վաղ Աքյոլը նաև ֆիլմ էր նկարահանել PKK-ի մասին։ Նա տեղեկացրել է, որ իրենք նախկինում Կանադայի իշխանությունների ուշադրությունը հրավիրել են այն փաստի վրա, որ Աքյոլը կապ ունի պաշտոնապես ահաբեկչական խմբավորում համարվող PKK-ի հետ և իր ֆիլմի միջոցով, փաստորեն, այդ խմբավորման քարոզչությունն է իրականացնում։ Ունալը հավելել է, որ ցուցահանդեսի և այն լուսաբանող հրապարակման կապակցությամբ Թուրքիայի դեսպանատունը համապատասխան միջոցներ կձեռնարկի։
PKK-ն Կանադայի պետական անվտանգության նախարարության՝ ահաբեկչական խմբավորումների պաշտոնական ցանկում է գրանցվել 2002թ․ դեկտեմբերի 10-ին։ Իսկ 2015թ․ մայիսի 7-ին ընդունված օրենքի համաձայն՝ Կանադայում ահաբեկչության կամ ահաբեկչական խմբավորումներին գովաբանելը, պաշտպանելը կամ ահաբեկչության դրդելը հանցանք է համարվում, որի համար մինչև 5 տարվա ազատազրկում է սպառնում։
Այս ենթաբաժնի վերջին նորությունները
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |