Իրավական10:10, 30 Նոյեմբեր 2018
Թուրքիան սաուդացի լրագրողի սպանությանը մասնակցած 18 անձանց նկատմամբ ձերբակալման որոշում է կայացրել
Ստամբուլի գլխավոր դատախազության պահանջով դատարանի կողմից ձերբակալման որոշում է կայացվել Սաուդյան Արաբիայի հյուպատոսարանում սպանված սաուդցի ընդդիմադիր լրագրող Ջեմալ Խաշոկջիի սպանության մասնակից 18 անձանց վերաբերյալ:
Նշվում է, որ 18-ից 15-ը լրագրողի սպանությունն իրականացնելու նպատակով 2 մասնավոր ինքնաթիռներով սպանության օրը Սաուդյան Արաբիայից Ստամբուլ ժամանած խմբի անդամներն են: Խմբի անդամները նախօրոք մուտք էին գործել Ստամբուլում Սաուդյան Արաբիայի հյուպատոսարան և Խաշոկջիի մուտք գործելուց հետո 7 րոպեի ընթացքում խեղդամահ էին արել վերջինին, այնուհետև մասնատել են լրագրողի մարմինը և ոչնչացրել: Խմբի անդամների մեջ են եղել նաև Սաուդյան Արաբիայի գահաժառանգ արքայազն Մուհամեդ բին Սալմանի թիկնապահն ու այդ երկրի գլխավոր դատաբժիշկը, որը և իրականացրել է դիակի մասնատումը: Խումբը նույն օրը վերադարձել էր Սաուդյան Արաբիա:
Հաղորդվում է, որ Թուրքիան դիմել է Սաուդյան Արաբիային նշյալ անձանց թուրքական իրավապահ մարմիններին հանձնելու խնդրագրով, սակայն դրական պատասխան չի ստացել: Մյուս կողմից էլ Ռիադը հայտարարել է, որ վերոնշյալ 18 անձանց մի մասը կալանավորված են և նրանցից 5 վերաբերյալ մահապատժի որոշում է կայացվել:
Թուրքական դատախազությունը նշյալ 18 հոգուն մեղադրանք է առաջադրել այդ երկրի քրեական օրենսգրքի 81 և 82 հոդվածների հատկանիշներով՝ «առանձնակի դաժանությամբ իրականացված կանխամտածված սպանություն»:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |