Պենտագոն. «S-400-ի գնումը կարող է ազդել նաև Թուրքիային վաճառվող այլ ինքնաթիռների ու ուղղաթիռների պայմանագրերի վրա»

Քաղաքական10:29, 29 Նոյեմբեր 2018

Պենտագոն. «S-400-ի գնումը կարող է ազդել նաև Թուրքիային վաճառվող այլ ինքնաթիռների ու ուղղաթիռների պայմանագրերի վրա»

ԱՄՆ-ի պաշտպանության նախարարությունը (Պենտագոն) հայտնել է, որ Անկարայի կողմից ռուսական S-400 ՀՕՊ համակարգերի գնումը կարող է բացասական ազդեցություն ունենալ Թուրքիային ամերիկյան արտադրության զինտեխնիկայի վաճառքի վրա: Ռուս-թուրքական գործարքը կարող է վատ անդրադառնալ ոչ միայն «F-35» կործանիչները Թուրքիային հանձնելու, այլև ամերիկյան ընկերությունների կողից արտադրվող «CH-47F Chinook» ուղղաթիռների «F-16» կործանիչների, ինչպես նաև «UH-60 Black Hawk» ուղղաթիռների վաճառքի վրա:

Ավելի վաղ ԱՄՆ-ի և ՆԱՏՕ-ի բարձրագույն զինվորական հրամանատարությունները քանիցս հայտարարել էին, որ դաշինքի անդամ չհանդիսացող Ռուսաստանից «S-400» ՀՕՊ համակարգերի գնումը կարող է հանգեցնել Թուրքիային զենքի վաճառքի որոշ սահմանափակումների: Թուրքիայի արտգործնախար Մևլութ Չավուշօղլուն էլ վերջերս արած պատասխան հայտարարություններից մեկում ասել էր, որ Ռուսաստանի հետ պայմանագիրն արդեն կնքված է և այն հնարավոր չէ չեղարկել: Նա միաժամանակ ասել էր, որ Թուրքիան էլի ՀՕՊ համակարգերի կարիք ունի, որը կնախընտրի գնել իր դաշնակիցներից:

Ամերիկայան «Bloomberg» գործակալության տեղեկություններով՝ Պենտագոնը Կոնգրեսին ներկայացրած «գաղտնի» մակագրությամբ փաստաթղթում նշել է, որ Թուրքիան ինչքան էլ կարևոր գործընկեր լինի, այնուամենայնիվ, պետք է վերանայել նրա անդամակցությունը 8 երկրների համատեղ գործակցությամբ իրականացվող «F-35» կործանիչների նախագծին:

Աղբյուր` Diken

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։