ՆԱՏՕ-ի զեկույց. «Թուրքիան ՆԱՏՕ անդամ պետություններից միակ անազատ երկիրն է»

Քաղաքական08:43, 28 Նոյեմբեր 2018

ՆԱՏՕ-ի զեկույց. «Թուրքիան ՆԱՏՕ անդամ պետություններից միակ անազատ երկիրն է»

ՆԱՏՕ-ն ընդունել է զեկույց, որտեղ Թուրքիային առաջին անգամ քննադատում է ժողովրդավարության և մարդու իրավունքների բնագավառում կատարած խախտումների համար:

Նախորդ շաբաթ ՆԱՏՕ-ի խորհրդարանական վեհաժողովի (ԽՎ) անվտանգության քաղաքացիական չափման հանձնաժողովում ընդունված զեկույցում նշվել է, որ Թուրքիան ՆԱՏՕ-ի անդամներից միակ անազատ երկիրն է համարվում:

ՆԱՏՕ-ի զեկույցը կազմելիս հաշվի է առնվել 2018թ. միջազգային «Freedom House» իրավապաշտպան կազմակերպության պատրաստած փաստաթուղթը, որտեղ Թուրքիան ներառվել էր «անազատ երկների» ցանկում:

Զեկույցում 2017թ. ապրիլի 16-ի հանրաքվեով ընդունված կառավարման նոր համակարգը որակվում է որպես «սուպեր նախագահություն» և ընդգծվում է, որ այս իրավիճակը խորացնում է քաղաքական բևեռացումը:

«Սահմանադրական փոփոխությունները նախագծվել էին, որպեսզի ԱՄՆ-ի նախագահական համակարգը ներմուծվեր, սակայն պրակտիկան ցույց է տալիս, որ Թուրքիայի նախագահական համակարգում չկա հավասարակշռությունը վերահսկող մեխանիզմ, ինչպես ԱՄՆ-ում: Թուրքիայում նախագահը օժտված է մեջլիսը (խորհրդարանը) ցրելու իրավունքից և ավելացրել է դատական իշխանության նկատմամբ վերահսկողությունը»,- ասված է զեկույցում:

Զեկույցում հիշատակվում է նաև Amnesty International իրավապաշտպան կազմակերպության Թուրքիայի մասնաճյուղի նախագահ Թաներ Քըլըչի և «Anadolu Kültür» թուրքական կազմակերպության նախագահ Օսման Քավալայի ձերբակալությունը, ինչպես նաև նշվում, որ Թուրքիայում որոշ լրատվամիջոցներ մտերիմ կապերի մեջ են իշխանության են հետ:

Աղբյուր` www.nato-pa.int

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։