Տարածաշրջան06:32, 27 Նոյեմբեր 2018
Չավուշօղլուն Ռուսաստանին և Ուկրաինային հորդորել է խոհեմություն դրսևորել
Թուրքիայի արտգործնախարար Մևլութ Չավուշօղլուն Սլովակիայի արտգործնախարար Միրոսլավ Լայչակի հետ հանդիպման ժամանակ խոսել է Կերչի նեղուցում ռուս-ուկրաինական լարվածության մասին, որի հետևանքով Ուկրաինայում արտակարգ դրություն է հայտարարվել։
Նոյեմբերի 25-ին ռուս զինվորականները կրակ էին բացել ուկրաինական երկու ռազմական մոտորանավի վրա, ինչի հետևանքով մի քանի նավաստիներ վիրավորվել էին։ Ռուսաստանն ու Ուկրաինան միմյանց մեղադրում են սադրանքի մեջ: Կիևը պնդում է, որ երկու մոտորանավը և նավաքարշը նախքան Կերչի նեղուցով անցնելն այդ մասին զգուշացրած են եղել ռուսական կողմին: Իսկ ահա Մոսկվան պնդում է, որ ուկրաինական կողմը խախտել է սահմանը:
«Մենք այս գործընթացին ուշադիր հետևում ենք,- ասել է Չավուշօղլուն: - Ամենից առաջ ցանկանում ենք թե՛ Ուկրաինային, թե՛ Ռուսաստանին կոչ անել, որպեսզի երկու երկրները խոհեմություն դրսևորեն։ Իհարկե, Ղրիմի կարգավիճակի վերաբերյալ քննարկումները գնում են, դեռ կան չկարգավորված և անորոշ հարցեր։ Դրանք լուծելու համար կարող է ժամանակ պահանջվել, որպեսզի նման խնդիրներ չծագեն, այս գործընթացում պետք է հստակեցնել որոշ կանոններ։ Սև ծովում առկա է լարվածություն և մենք տեսնում ենք, որ այդ լարվածությունը ժամանակ առ ժամանակ թեժանում է։ Երկու երկրների հետ էլ ունենք լավ հարաբերություններ։ Մենք մի շարք հանդիպումներ կանցկացնենք, որպեսզի Ուկրաինայի և Ռուսաստանի միջև լարվածությունները հնարավորինս նվազի»։
Հիշեցնենք, որ Թուրքիան միջազգային հարթակներում բազմիցս հայտարարել էր, որ Ղրիմի կցումը Ռուսաստանին համարում է «օկուպացիա»։
Այս ենթաբաժնի վերջին նորությունները
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սեպտեմբերի 1-ին Թուրքիայի նախագահ Ռեջեփ Թայիփ Էրդողանը ելույթ է ունեցել «Շանհայի համագործակցության կազմակերպության» գագաթնաժողովում:
Հանդիպման ընթացքում քննարկվել են Թուրքիա–Հայաստան հարաբերությունները՝ Հարավային Կովկասում մնայուն կայունության և խաղաղության ուղղությամբ ձեռնարկված քայլերի համատեքստում:
Այս մասին Թուրքիայի նախագահը հայտարարել է Ադրբեջանի նախագահ Իլհամ Ալիևի հետ Չինաստանում ունեցած հանդիպման ժամանակ:
Շանհայի համագործակցության կազմակերպության գագաթնաժողովի շրջանակում կայացել է Թուրքիայի և ՌԴ նախագահների հանդիպումը։
Թուրքիայի նախագահը Մասուդ Փեզեշքյանի հետ զրույցում հայտարարել է, որ այն ինչ Գազայում իրականացվում է Իսրայելի կողմից, ոչ մի բացատրություն չունի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |