Ստամբուլում ռազմական ուղղաթիռ է ընկել. կան զոհեր (տեսանյութ, լուսանկարներ)

Տարածաշրջան09:41, 26 Նոյեմբեր 2018

Ստամբուլում ռազմական ուղղաթիռ է ընկել. կան զոհեր (տեսանյութ, լուսանկարներ)

Ստամբուլ քաղաքի Սանջաքթեփե թաղամասում վթարի է ենթարկվել Թուրքիայի զինված ուժերին պատկանող Bell UH-1H ռազմական ուղղաթիռը:

Թաղամասի բնակելի շենքերի արանքում, փողոցի մեջտեղում վայր ընկած ուղղաթիռի մեջ եղած 4 զինվոր մահացել է, 1-ը` վիրավորվել։

Դեպքից անմիջապես հետո ժամանել են անվտանգության և բուժօգնության աշխատակիցներ։ Ոստիկանական ուժերը շրջապատել են դեպքի վայրը՝ թույլ չտալով քաղաքացիներին մոտենալ։

Ստամբուլի նահանգապետը հանդես է եկել հայտարարությամբ, որում մասնավորապես նշված է, թե ուսումնական թռիչք կատարելուց հետո ռազմական ուղղաթիռը դեռևս անհայտ պատճառով է ցած է ընկել:

Սպասվում է, որ Թուրքիայի պաշտպանության նախարար Հուլուսի Աքարը նույնպես կմեկնի դեպքի վայր և տեղում կուսումնասիրի իրավիճակը։

Նշենք, որ վերջին 20 տարում սա 5-րդ դեպքն է, երբ Ստամբուլում ռազմական ուղղաթիռ է ընկնում։ Ընդհանուր առմամբ Ստամբուլում վերջին 20 տարում ռազմական ուղղաթիռների կործանման հետևանքով 19 զոհ է եղել:

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։