Փորձագետ․ Էրդողանի կուսակցությունն ընտրություններում կստանա ձայների միայն 34-35 տոկոսը

Քաղաքական07:48, 23 Նոյեմբեր 2018

Փորձագետ․ Էրդողանի կուսակցությունն ընտրություններում կստանա ձայների միայն 34-35 տոկոսը

Թուրքիայում իշխող «Արդարություն և զարգացում» կուսակցությունը (ԱԶԿ-AKP) և «Ազգայնական շարժում» կուսակցությունը (ԱՇԿ-MHP) կոալիցիա կազմելու դեպքում տեղական ինքնակառավարման մարմինների (ՏԻՄ) առաջիկա ընտրություններում կարող են տանալ ընտրողների ձայների 51-52 տոկոսը։

Այս մասին հայտնել է Թուրքիայում գործող «Gezici» հետազոտական ընկերության տնօրեն Մուրաթ Գեզիջին՝ տվյալներ հրապարակելով վերջին հարցումների արդյունքների մասին։

«Այն հանգամանքը, որ ԱԶԿ-ի պոտենցիալ ձայների մակարդակը նվազել է 40 տոկոսից, ցույց է տալիս, որ այս կուսակցությունը միայնակ չի կարող հաղթել ընտրություններում։ ԱԶԿ-ի ընտրազանգվածի կորստի պատճառներից են տնտեսական դժվարությունները, ահաբեկչության խնդիրը, կրթության ոլորտում առկա խնդիրները, սիրիացի փախստականների թվի ավելացումը, գործազրկությունը, դատաիրավական համակարգի անբավարար աշխատանքը», - նշել է Գեզիջին։

Դա է պատճառը, որ ԱԶԿ-ն հարկադրված է ԱՇԿ-ի հետ կոալիցիա ստեղծել, հակառակ դեպքում մի շարք նահանգներում որևէ կերպ քվե ստանալու շանսեր չի ունենա։

«ԱԶԿ-ն միայնակ կարող է ստանալ ընտրողների ձայների ընդամենը 34-35 տոկոսը։ Իսկ ԱՇԿ-ն արդեն կարող է 17-18 տոկոս քվե ապահովել», - շեշտել է փորձագետը։

Գեզիջիի կարծիքով՝ առկա իրավիճակում երկու կուսակցությունների համագործակցությունն ուղղակի անխուսափելի է։

Աղբյուր` diken.com.tr

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։