ERMENI HABER AJANSI

Իրաքի «Եզդիների դեմոկրատական կուսակցության» գլխավոր քարտուղար Հայդար Շեշոյի պնդմամբ՝ ԱՄՆ-ի իշխանությունները  եզդիաբնակ Սինջար շրջանում օգնություն են ցուցաբերում Քուրդիստանի բանվորական կուսակցության (ՔԲԿ-PKK) զինյալներին։

Ինչպես հայտնի է Սինջարում PKK-ի զինյալները հենակետեր ունեն, որոնք հաճախակի հրթիռակոծվում են Թուրքիայի օդուժի կողմից։

«ԱՄՆ-ն իրականացնում է երկերեսանի քաղաքականություն։ Մի կողմից ամերիկյան ղեկավարությունը գլխագին է խոստանում PKK-ի պարագլուխների համար, մյուս կողմից աջակցում է Սիրիայի հյուսիսում՝ YPG-ի (Սիրիայի քրդական ուժեր) հետ»,- համոզմունք է հայտնել Հայդար Շեշոն։

Եզդի քաղաքական գործիչը կրկնելով Թուրքիայի այն պնդումները,  թե PKK-ն ու YPG-ն դրանք նույն կառույցներն են,  հավելել է.

«ԱՄՆ-ն համերաշխություն է հայտնում PKK-ին և վերջինիս հետ կապ ունեցող այլ խմբավորումներին։ ԱՄՆ-ն Սիրիայի հյուսիսում տեղակայված քրդական ուժերի միջոցով օգնություն է ուղարկում Սինջարում հենակետեր ունեցող PKK-ին»,-եզրափակել է նա։

Հավելենք, որ Թուրքիան ահաբեկչական է համարում թե՛ PKK-ին, թե՛ YPG-ին և վերջիններիս նույնացնում իրար հետ։ Թուրքիայի ղեկավարությունը խանդավառությամբ չընդունեց նաև այն, որ ԱՄՆ-ն PKK-ի 3 պարագլուխների համար գլխագին խոստացավ։ Ըստ պաշտոնական Անկարայի՝ անունըդունելի է, որ ԱՄՆ-ն PKK-ին համարում է ահաբեկչական, իսկ YPG-ին` ոչ։

Չնայած Թուրքիայի հայտարարություններին՝ ԱՄՆ-ն հաճախակիորեն հայտարարում է, որ Սիրիայի քրդական ուժերը իրենց համար ահաբեկչական չեն, ընդհակառակը կարևոր գործընկեր են «Իսլամական պետություն» նման ահաբեկչական կազմակերպությունների դեմ պայքարում։