Թուրքիայի գլխավոր ազգայնականի կարծիքով ՆԱՏՕ-ին անդամակցությունը Թուրքիային միայն վնաս է տվել

Քաղաքական11:44, 20 Նոյեմբեր 2018

Թուրքիայի գլխավոր ազգայնականի կարծիքով ՆԱՏՕ-ին անդամակցությունը Թուրքիային միայն վնաս է տվել

Թուրքիայի «Ազգայնական շարժում կուսակցության» (MHP-ԱՇԿ) առաջնորդ Դևլեթ Բահչելին, ելույթ ունենալով կուսակցական ժողովում, անդրադարձել է վերջին քաղաքական զարգացումներին և Թուրքիայի առջև ծառացած գլոբալ մարտահրավերներին:

Բահչելին մասնավորապես քննադատել է իսլամական մի շարք պետությունների առաջնորդների, որոնք, ըստ նրա, ոչ թե առաջնորդվում են իսլամի սկզբունքներով, այլ միայն իրենց նեղ անձնական շահերով: Այս համատեքստում նա անդրադարձ է կատարել նաև սաուդցի լրագրող Ջեմալ Խաշոկջիի սպանության վերաբերյալ:

Ըստ ԱՇԿ առաջնորդի` արտաքին ուժերը ցանկանում են իսլամական պետություններին խորտակել ահաբեկչության մեջ և իշխել նրանց:Բահչելին կարծում է, որ Մերձավոր Արևելքի հակամարտությունների հիմքում իշխանություն ունենալու համար մղվող պայքարն է, շահերի բաժանումը:

ԱՄՆ-ին Թուրքիայի ներքին գործերին խառնվելու մեջ մեղադրող ազգայնականն ընդհանուր առմամբ բացասական է գնահատել նաև ՆԱՏՕ-ի դերը Թուրքիայի պատմության մեջ: Բահչելին պնդել է, որ ՆԱՏՕ-ին ու ԱՄՆ-ին դուր չի գալիս այն, որ Թուրքիան պայքարում է ահաբեկչության դեմ:

Այս առումով Թուրքիայի գլխավոր ազգայնականը հանգել է այն եզրակացությանը, որ ՆԱՏՕ-ին անդամակցությունը Թուրքիային միայն վնաս է տալիս:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։