Թուրքիան ու Իրանը քուրդ զինյալների դեմ կարող են համատեղ ռազմական գործողություններ սկսել

Տարածաշրջան11:35, 20 Նոյեմբեր 2018

Թուրքիան ու Իրանը քուրդ զինյալների դեմ կարող են համատեղ ռազմական գործողություններ սկսել

Թուրքիայի ներքին գործերի փոխնախարար Մուհթերեմ Ինջեն մեկնել է Իրանի Իսլամական Հանրապետություն, որպեսզի մասնակցի թուրք-իրանական համատեղ աշխատանքային խմբի 3-րդ ժողովին։

Այցի շրջանակներում թուրք պաշտոնյան հանդիպել է իրանցի գործընկերոջ՝ Իրանի ներքին գործերի փոխնախարար Հուսեյին Զուլֆըքարի հետ։

Մամուլի ասուլիսի ժամանակ կողմերը անդրադարձել են անվտանգության հետ կապված մի շարք հարցերի։ Ըստ հայտարարությունների՝ քննարկվել է երկու երկրների համատեղ պայքարը «ահաբեկչական կազմակերպությունների» դեմ։

Իրանցի պաշտոնյան, անուններ չտալով, նշել է, որ անհրաժեշտության դեպքում երկու երկրները համատեղ ռազմական օպերացիա կարող են իրականացվել բոլոր այն ահաբեկչական կազմակերպությունների դեմ, որոնք վտանգ են ներկայացնում Իրանի ու Թուրքիայի համար։

Թուրքական աղբյուրի ենթադրմամբ՝ իրանցի պաշտոնյան նկատի է ունեցել «Քուրդիստանի բանվորական կուսակցությանը» (ՔԲԿ-PKK), ինչպես նաև վերջինիս իրանական թևին (PJAK):

Հիշեցնենք, որ PJAK-ը Իրանում է համարվում ահաբեկչական կազմակերպություն, իսկ PKK-ն՝ Թուրքիայում։

Աղբյուր` Dogan

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։