Գերմանական մամուլն անդրադարձել է Թուրքիայի բալկանյան քաղաքականությանը

Քաղաքական12:22, 19 Նոյեմբեր 2018

Գերմանական մամուլն անդրադարձել է Թուրքիայի բալկանյան քաղաքականությանը

Գերմանական «Die Welt» թերթը հրապարակել է «Բալկանների էրդողանականացումը» վերնագրով մի հոդված, որտեղ ներկայացնում է Բալկաններում, հատկապես՝ Բոսնիա և Հերցեգովինայում իսլամի խրախուսմանն ուղղված Թուրքիայի վարած քաղաքականությունը։

Ըստ հրապարակման՝ Թուրքիան մեծածավալ դրամական միջոցներ է տրամադրում և տարաբնույթ միջոցառումներ է իրականացնում Բոսնիա և Հերցեգովինայում իսլամի դիրքերի ուժեղացման համար։

Թուրքական համագործակցության և կոորդինացիայի գործակալության միջոցով Թուրքիան մոտ 70 միլիոն եվրոյի ներդրում է իրականացրել Բոսնիա և Հերցեգովինայում։ Թերթի դիտարկմամբ՝ այդ գումարն ուղղվել է ոչ միայն մզկիթների կառուցմանն, այլև էներգետիկ, բանկային , հեռահաղորդակցման բնագավառներին։

Հոդվածագիրն ուշադրություն է հրավիրում նաև այն հանգամանքի վրա, որ Թուրքիայի նախագահ Ռեջեփ Թայիփ Էրդողանն ու Բոսնիա և Հերցեգովինայի նախագահական խորհրդի ղեկավար Բաքիր Իզեթբեկովիչը միմյանց «Մուսուլման եղբայրների» օրինակով դիմում են «եղբայր» (kardeşim) դիմելաձևով։

Թուրքական իշխանություններն այս կերպ , ըստ «Die Welt»-ի, նպատակ են հետապնդում ամրապնդելու իրենց դիրքերն ու կողմնակիցների մեծ զանգված ստեղծելու Բոսնիա և Հերցեգովինայում։ Այդ պատճառով էլ 2018 թվականի հունիսի 24-ին հենց Սարաևոյից Էրդողանը կոչ ուղղեց եվրոպական տարբեր երկրներում բնակվող, բայց Թուրքիայի ընտրություններին քվեարկելու իրավունք ունեցող ընտրազանգվածին՝ հորդորելով միասնական լինել և թույլ չտալ, որ եվրոպական երկրները Թուրքիայի նկատմամբ «անպատկառ» վերաբերմունք դրսևորեն։

Աղբյուր` Ermenihaber.am

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։