Իրավական07:22, 15 Նոյեմբեր 2018
Թուրքական PEN․ Թուրքիայում ընդդիմադիրները պատժվում են
Գրողների միջազգային միության (PEN) Թուրքիայի գրասենյակը բանտարկված գրողների օրվա՝ նոյեմբերի 15-ի կապակցությամբ հայտարարություն է տարածել։ Թուրքիայում գրողներն ու լրագրողները պատժվում են ընդդիմադիր լինելու պատճառով։
«Մարդկանց փորձում են պատժել ոչ թե իրենց ասածների համար, այլ հենց ընդդիմադիր լինելու համար, այդ պատճառով էլ Թուրքիայում «ուղեղների» նկատելի և աննկատ արտագաղթ կա։ Նրանք հեռանում են երկրից կամ պատրաստվում են հեռանալ, իսկ դա Թուրքիայի համար շատ մեծ կորուստ է», - նկատել է տվել գրասենյակի ղեկավար Իբրահիմ Հալիլ Օզջանը։
Նա հավելել է, որ այս պահին թուրքական բանտերում կալանավորված կամ ազատազրկման դատապարտված շուրջ 130 գրող և լրագրող կա, որոնց թվում գերակշիռ մաս են կազմում լրագրողները։
Օզջանն ուշադրություն է հրավիրել այն հանգամանքի վրա, որ Թուրքիայում խնդիրներ ունեն ոչ միայն ազատազրկված մտավորականները, այլև նրանք, ովքեր ստիպված են եղել փախչել արտերկիր, սակայն նրանց նկատմամբ հետապնդումները չեն դադարել։
Այս համատեքստում նա հիշեցրել է անվանի գրող, լրագրող և հրապարակախոս, Հայոց ցեղասպանությունը ճանաչած Ռագըփ Զարաքոլուի մասին, ով ներկայումս գտնվում է Շվեդիայում։ 2011թ․ կատարած մի հայտարարության պատճառով Զարաքոլուի դեմ հարուցված քրգործի շրջանակներում 2018թ․ սեպտեմբերին Ինտերպոլի «կարմիր քարտի» հրապարակման որոշում է կայացվել։
Թուրքիայում մամուլի ազատության անմխիթար վիճակը պարբերաբար արտացոլվում է նաև միջազգային իրավապաշտպան կազմակերպությունների ներկայացրած զեկույցներում։ Մասնավորապես «Լրագրողներ առանց սահմանների» կազմակերպության կողմից կազմված «Մամուլի ազատության համաշխարհային ինդեքսում» Թուրքիան 2002թ․ զբաղեցնում էր 100-րդ, իսկ 2018թ․՝ 180 երկրների ցանկում 157-րդ տեղը:
Իսկ Թուրքիայի PEN-ի պաշտոնակայքում նոյեմբերի 15-ի առթիվ կատարված պաշտոնական հրապարակմամբ կոչ է ավել շտապ միջազգային շարժում սկսել՝ պաշտպանելու աշխարհի տարբեր տեղերում իրենց ազատ խոսքի իրավունքն իրացնելիս թիրախավորվող և անգամ սպանվող լրագրողներին։
Միջազգային PEN-ը սկսած 1981թ․-ից նոյեմբերի 15-ը նշում է որպես բանտարկված գրողների օր։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Ermenihaber.am-ը Հայոց ցեղասպանության 109-րդ տարելիցին ընդառաջ հատուկ հարցազրույց է պատրաստել քաղաքական հայացնքերի պատճառով թուրքիան լքած Դողան Օզգյուդենի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |