Իրավական14:15, 13 Նոյեմբեր 2018
Թուրքիայում 1 շաբաթում 182 անձի դեմ սոցցանցերի գրառումների պատճառով քրեական հետապնդում է սկսվել
Թուրքիայի ներքին գործերի նախարարության հրապարակած տեղեկատվության համաձայն՝ նոյեմբերի 5-12 ընկած ժամանակահատվածում սոցցանցերի 227 հաշվի վերաբերյալ ուսումնասիրություն է կատարվել։ Արդյունքում 182 անձի նկատմամբ իրավական գործընթաց է հարուցվել։ Հոկտեմբերին սոցցանցերում կատարված հրապարակումների պատճառով 11 անձ է կալանավորվել։
Նախարարության պաշտոնակայքում տեղ գտած հայտարարության համաձայն՝ սոցիալական ցանցերի օգտատերերը մեղադրվել են «ահաբեկչական խմբավորման օգտին քարոզչություն անելու», «այդ խմբավորումները գովաբանելու», «ահաբեկչական խմբավորման հետ կապի մեջ լինելը հրապարակավ հայտարարելու», «հանրության մեջ քեն, ատելություն ու թշնամանք սերմանելու», «պետության առաջնորդներին վիրավորելու», «պետության անբաժանելի ամբողջականությանն ու հասարակության անվտանգությանը սպառնալու», «ատելությամբ լի հայտարարություններ անելու» մեջ։
Ընդդիմադիր «Ժողովրդահանրապետական» կուսակցության (CHP) պատգամավոր Սեզգին Թանրըքուլուի հայտարարության համաձայն՝ 2018թ․ հոկտեմբերին սոցցանցերում կատարած հրապարակումների պատճառով 898 անձի նկատամբ իրավական գործընթաց է սկսվել։
Բացի այդ, Թուրքիայի անվտանգության գլխավոր վարչությունը սեպտեմբերի 12-ին դոլարի փոխարժեքի վերաբերյալ հրապարակումներ կատարած 346 օգտատիրոջ վերաբերյալ հետաքննություն է հարուցել։ Նույն օրը Անկարայի և Ստամբուլի գլխավոր հանրապետական դատախազությունները հետաքննություններ են սկսել՝ «տնտեսական հարձակումների» բնույթ կրող գրավոր լուրերի կամ տեսագրությունների տեսքով հրապարակումներ կատարող լրատվականների և սոցիալական ցանցերի հաշիվների դեմ։
Ներքին գործերի նախարարությունը տեղեկացրել է նաև, որ փետրվարի 26-ին Աֆրինի ռազմագործողությունը քննադատած կամ քննադատական միջոցառումներին մասնակցած 845 օգտատեր ձերբակալվել է։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |