Թուրքիայի արտգործնախարարը՝ ԱՄՆ-ին. «Իրանին պատին սեղմելը և մեկուսացնելը խելամիտ չէ»

Տարածաշրջան06:18, 07 Նոյեմբեր 2018

Թուրքիայի արտգործնախարարը՝ ԱՄՆ-ին. «Իրանին պատին սեղմելը և մեկուսացնելը խելամիտ չէ»

Թուրքիան չի ողջունում Իրանի դեմ ԱՄՆ-ի սահմանած պատժամիջոցները։ Այդ մասին հայտարարել է Թուրքիայի արտգործնախարար Չավուշօղլուն, ով պաշտոնական այցով գտնվում է Ճապոնիայում։

«Իրանին պատին սեղմելը և մեկուսացնելը խելամիտ չէ, ընդհակառակը՝ վտանգավոր է։ Իսկ Իրանի ժողովրդին պատժելը՝ արդար չէ։ ԱՄՆ-ի միակողմանի պատժամիջոցները ազդում են ոչ միայն Իրանի հարևան երկրների, այլև այլ երկրների վրա ևս»,-ասել է Չավուշօղլուն, ավելացնելով, որ այս պատժամիջոցներով ԱՄՆ-ն Իրանի հետ ունեցած խնդիրները չի լուծի։

Թուրքիայի արտգործնախարարը Վաշինգտոնին կոչ է արել գնալ երկխոսության։

Հիշեցնենք, որ Իրանի դեմ ԱՄՆ-ի պատժամիջոցների առաջին մասը վերսկսվել է դեռևս 2018թ.-ի օգոստոսի 7-ին: Պատժամիջոցները վերաբերում են, մասնավորապես, Իրանից ավտոմեքենաների, գորգերի, սննդամթերքի արտահանմանը և այդ երկիր գրաֆիտի, ալյումինի, պողպատի, ածխի ներմուծմանը, Թեհրանին կարգելվի նաև որոշ օդանավեր ձեռք բերել, և այլն:

Մնացած պատժամիջոցները, որոնք վերաբերում են Իրանի նավթային ոլորտին, ուժի մեջ են մտել 2018թ.-ի նոյեմբերի 5-ին:

Աղբյուր` Haber. Sol

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։