08:09, 07 Նոյեմբեր 2018
ԱՄՆ-ն «գլխագին» է խոստացել PKK-ի պարագլուխների համար
ԱՄՆ-ի պետքարտուղարությունը խոստացել է պարգևատրել նրանց, ովքեր Վաշինգտոնին տեղեկություններ կտրամադրեն Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) 3 պարագլուխների՝ Դուրան Քալքան, Ջեմիլ Բայըք,Մուրադ Քարայըլան, գտնվելու վայրի մասին։
Այդ մասին հայտարարել է ԱՄՆ-ի՝ Եվրոպայի և Եվրասիայի հարցերով պատասխանատուի օգնական Մեթյու Փալմերը։
Փալմերը ավելի վաղ այցելել էր Թուրքիա և մի շարք հանդիպումներ էր ունեցել թուրք բարձրաստիճան պաշտոնյաների հետ։ Ըստ տեղեկությունների՝ այդ հանդիպումների ժամանակ ամերիկացի պաշտոնյան ընդգծել էր, որ ԱՄՆ-ն 1997թ. PKK-ին ճանաչել է որպես ահաբեկչական կազմակերպություն, իսկ 2001-ին քրդական կառույցին ներառել է «Համաշխարհային ահաբեկչական կազմակերպությունների» մեջ։
Թուրքիայի արտգործնախարարությունը ԱՄՆ-ի պետքարտուղարության այս քայլը ողջունել է։ Թուրքիայի ԱԳՆ-ն հույս է հայտնել, որ ԱՄՆ այլևս չի տարանջատի Սիրիայի քրդական ուժերին PKK-ից:
Իսկ Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը ԱՄՆ-ի քայլը համարել է «ուշացած»։
Նա ասել է, որ եթե ԱՄՆ-ն այդ քայլով նպատակ ունի քողարկել նախկինում Սիրիայի քրդական ուժերի վերաբերյալ Թուրքիային տված խոստումը, ապա իրականությունը շատ արագ ջրի երես դուրս կգա։
«Թուրքիայի նախագահը ԱՄՆ-ի նախկին և ներկայիս նախագահներին առաջարկեց «Իսլամական պետություն» ահաբեկչական կազմակերպության դեմ միասին պայքարել։ Նրանք ասում են, որ Թուրքիան Սիրիայի քրդերի դեմ է դուրս գալիս։ Ոչ թե քրդերի դեմ է դուրս գալիս, այլ ահաբեկչական կազմակերպությունների։ Այդ ահաբեկչական կազմակերպությունները Սիրիայի քրդերի դեմ էլ են ահաբեկչություն իրականացնում: Սիրիայում ոչ մի քրդական ընդդիմադիր խմբավորում չի մնացել։ Բոլորը Թուրքիա են սողոսկել։ Կան նաև այնպիսինները, ովքեր փախել են Եվրոպա։ Նրանցից ոչ ոք ԱՄՆ-ի աջակցությունից չկարողացավ օգտվել: Մենք Սիրիայի քրդերի հետ խնդիրներ չունենք, մեր խնդիրները ահաբեկչական կազմակերպությունների հետ են»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |