Իրավական12:02, 06 Նոյեմբեր 2018
Թուրքական թերթի դեմ քրգործ է հարուցվել՝ «հանրապետության նախագահին վիրավորելու» մեղադրանքով
Թուրքիայում հրապարակվող «Bırgün» թերթի դեմ «հանրապետության նախագահին վիրավորելու» մեղադրանքով քրեական գործ է հարուցվել։ Սակայն, որքան էլ զարմանալի է, դրա համար հիմք են հանդիսացել ոչ թե Էրդողանի, այլ նրա փեսա, Թուրքիայի գանձապետարանի և ֆինանսների նախարար Բերաթ Ալբայրաքի մասին թերթում կատարված հրապարակումները։
Ինչպես նկատել է տալիս թուրքական ընդդիմադիր «Diken» լրատվակայքը՝ նշված հրապարակման մեջ Էրդողանի անունը հիշատակվում է միայն մեկ անգամ՝ հետևյալ համատեքստում․
«Բերաթ Ալբայրաքի աշխատանքային թիմում գտնվող Մեդեթ Նեբի Յանըքը ամուսնացել է նախագահի աշխատակազմի ղեկավարի պաշտոնում նշանակված Ահմեթ Մինդերի դստեր՝ Հանդենուրի հետ։ Ռեջեփ Թայիփ Էրդողանի ազգական Ահմեթ Մինդերի մյուս դուստրը՝ Սաադեթ Նուր Մինդերը, ամուսնացել է ներքին գործերի նախարար Սուլեյման Սոյլուի որդու՝ Էնգին Լևենթ Սոյլուի հետ»։
Ընդհանուր առմամբ հոդվածը, որի առթիվ հարուցվել է քրգործը, արծարծում է այն հարցը, որ Բերաթ Ալբայրաքը որևէ պաշտոնում նշանակվելիս միշտ իր հետ տեղափոխում և բարձր պաշտոն է տալիս նաև Մեդեթ Նեբի Յանըքին։ Հոդվածում, բացի վերոհիշյալ մեջբերումից, Էրդողանի մասին որևէ այլ հայտարարություն տեղ չի գտել։
Ինչևէ, «Birgün» թերթը արդեն դատարանի որոշմամբ հրապարակել է վերոնշյալ հոդվածում և ավելի վաղ հրապարակված մեկ այլ նմանատիպ հոդվածում Ալբայրաքի վերաբերյալ հնչեցված պնդումների հերքումը։ Նույն հրապարակման մեջ տեղ է գտել նաև Թուրքիայի գանձապետարանի և ֆինանսների նախարարության պատասխանը հոդվածում հնչեցված մեղադրանքներին։
Հայտնի է նաև, որ հարուցված քրգործի շրջանակներում հոդվածի հեղինակը 7 օրվա ընթացքում կկանչվի հարցաքննության։
Այս ենթաբաժնի վերջին նորությունները
Թուրքիայում գտնվելու ժամանակ Շամսիդին Ֆարիդունին սոցիալական ցանցում լուսանկարներ է հրապարակել։
Գամզե Աքքուշը նշել է, որ ժանդարմերիայի պատասխանատվության գոտում հանցագործությունների թիվը 2023-ին հատել է կես միլիոնի սահմանը։
Արդա Թուրանը մեղադրվում է 2015-ից 2016 թթ-ին Իսպանայում գնտվելու ընթացքում հարկերից խուսափելու մեջ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Իրանի քաղաքացիներն ավելացրել են իրենց ճանապարհորդությունները դեպի Թուրքիա և Ստամբուլ դեռևս հունվարին։
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |