Թուրքիան նախադպրոցական կրթության հասանելության տեսակետից վերջին հորիզոնականում է

Գիտակրթական09:07, 31 Հոկտեմբեր 2018

Թուրքիան նախադպրոցական կրթության հասանելության տեսակետից վերջին հորիզոնականում է

ՄԱԿ-ի Մանկական հիմնադրամը (UNICEF) ուսումնասիրել է նախադպրոցական կրթության հնարավորությունները 41 երկրում։ Հիմնադրամը վերլուծել է Եվրամիության և Տնտեսական համագործակցության և զարգացման կազմակերպության (OECD) տվյալները։ «Անարդար սկիզբ» խորագրով հետազոտության համաձայն՝ կրթության ոլորտում ամենամեծ անհավասարությունը դիտվում է Բուլղարիայում և Մալթայում։

Արձանագրվել է, որ ծնողների կրթությունն ու նյութական վիճակը մեծ չափով ազդում են երեխաների կրթության և առաջադիմության վրա։ Պարզվել է նաև, որ աղքատ ընտանիքների երեխաները ավելի հազվադեպ են նախակրթարաններ հաճախում, քան ունևոր ընտանիքների երեխաները։

Նախակրթական հնարավորությունների տեսակետից լավագույն արդյունքները գրանցվել են Լիտվայում, Իսլանդիայում և Ֆրանսիայում։ Իսկ Թուրքիան ուսումնասիրությանը մասնակից երկրների ցանկում վերջին հորիզոնականն է զբաղեցրել։

Թուրքիայում 2015թ․ դրությամբ յուրաքանչյուր 3 երեխայից 2-ը հաճախում է նախակրթարան։ Ըստ աղբյուրի՝ Թուրքիայում բնակվող մանկահասակ երեխաների 68․6 տոկոսը մինչև պարտադիր դպրոցական ծրագրին անցնելը առնվազն շաբաթական մեկ ժամ այցելում է նախակրթարան։

Աղբյուր` cumhuriyet.com.tr

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։