Թուրքիայի ընդդիմությունը չի մասնակցի Ստամբուլի նորակառույց օդանավակայանի բացմանը

Քաղաքական07:34, 29 Հոկտեմբեր 2018

Թուրքիայի ընդդիմությունը չի մասնակցի Ստամբուլի նորակառույց օդանավակայանի բացմանը

Հոկտեմբերի 29-ին Անկարայում կայանալու է մեծ միջոցառում, Թուրքիայի Հանրապետության հիմնադրման օրվա կապակցությամբ։ Արարողությանը ներկա են գտնվելու մի շարք բարձրաստիճան պաշտոնյաներ։ Ստամբուլում տեղի է ունենալու նաև նորակառույց 3 օրդանավակայանի բացման արարողությունը, որը լինելու է աշխարհում ամենամեծը։

Տեղի ունենալիք միջոցառումների մասին խոսել է Թուրքիայի գլխավոր ընդդիմադիր «Ժողովրդահանրապետական կուսակցության» նախագահ Քեմալ Քըլըչդարօղլուն։

Վերջինս, պատասխանելով լրագրողների այն հարցին, թե արդյոք մասնակցելու է Ստամբուլի նորակառույց օդանավակայանի բացման արարողությանը, ասել է.

«Ոչ՛, ես լինելու եմ Անկարայում։ Թուրքիայի Հանրապետությունը ստեղծվել է Անկարայում և մենք տեր ենք կանգնելու մեր մայրաքաղաքին՝ Անկարային։ Անկարան է մեզ համար ամենաարժեքավորը։ Մեզ համար Հանրապետությունից թանկ բան չկա։ Հանրապետությունը ոչ մեկի սեփականությունը չէ, այն բոլորինն է»։

Աղբյուրը նշում է, որ Ստամբուլի օդանավակայանի բացման արարորղությանը ներկա չեն գտնվելու նաև «Ազգայնական շարժում կուսակցության» նախագահ Դևլեթ Բահչելին, ընդդիմադիր «IYI» (Լավ) կուսակցության ղեկավար Մերալ Աքշեները։ Վերջիններս լինելու են Անկարայում, որպեսզի մասնակցեն Հանրապետության հիմնադրման օրվան նվիրված արարողությանը։

Հիշեցննենք, որ Թուրքիայի Հանրապետությունը հիմնադրվել և հռչակվել է 1923թ. հոկտեմբերի 29-ին Մուստաֆա Քեմալ Աթաթուրքի կողմից։

Աղբյուր` Diken

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։