Իրավական08:33, 29 Հոկտեմբեր 2018
Ընդդիմադիր կուսակցապետն Էրդողանին փոխհատուցումներ վճարելու համար վաճառել է իր տունը
Թուրքիայի գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) առաջնորդ Քեմալ Քըլըչդարօղլուն դատարանի որոշմամբ նախագահ Ռեջեփ Թայիփ Էրդողանին պարբերաբար վճարած դրամական փոխհատուցումների պատճառով վճարել է իր առանձնատունը:
Այս մասին գրել է թուրքական «Milliyet» թերթի սյունակագիր Թալաթ Աթիլան: Աթիլան շատերի նման հետաքրքրվել է, թե որտեղից է Քըլըչդարօղլուն վճարում այն փոխհատուցումները, որոնք նրան պարտավորեցնում է դատարանը նախագահ Էրդողանի հասցեին արած վիրավորական արտահայտությունների համար: Վերջինս ընդդիմադիր կուսակցապետից կարողացել է միայն «կորզել» տեղեկություն այն մասին, որ Քըլըչդարօղլուն վաճառել է իր առանձնատունը մոտ 500.000 թուրքական լիրայով (90000 դոլար):
«Քըլըչդարօղլուն Բուրհանիյեում գտնվող իր առանձնատունը 2 պատճառով կարող էր վաճառել.
1. Նախագահ Էրդողանին վճարած դրամական փոխհատուցումների պատճառով առաջացած պարտքերը մարելու համար:
2. Վերջերս ամուսնացրած որդու՝ Քերեմ Քըլըչդարօղլուի հարսանիքի ծախսերը հոգալու համար»,- գրում է հեղինակը:
Նշենք, որ Քըլըչդարօղլուն ամենաշատ է հայտնվում դատավարություների կիզակետում նախագահ Էրդողանին վիրավորելու համար: Վերջին 15 տարվա ընթացքում Էրդողանը նույն մեղադրանքով ԺՀԿ առաջնորդի դեմ երկու տասնյակից ավելի դատական հայց է ներկայացրել։ Միայն վերջին 8 տարվա ընթացքում՝ 2010-2018թթ., ի վնաս Քըլըչդարօղլուի կայացվել է 15 դատական վճիռ, որոնցով վերջինս պարտավորեցվել է Էրդողանին վճարել ավելի քան 1 մլն լիրայի բարոյական փոխհատուցում։
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |