Թուրքիան կշարունակի ջանքեր գործադրել, որ Ղարաբաղի հարցը լուծվի հօգուտ Ադրբեջանի

Տարածաշրջան11:44, 29 Հոկտեմբեր 2018

Թուրքիան կշարունակի ջանքեր գործադրել, որ Ղարաբաղի հարցը լուծվի հօգուտ Ադրբեջանի

Ստամբուլում Դոլմաբահչե պալատում կայացել է Թուրքիայի, Ադրբեջանի, Վրաստանի արտգործնախարարների եռակողմ հանդիպումը։ Կողմերը համատեղ մամուլի ասուլիս են տվել։ Թուրքիայի արտգործնախարար Մևլութ Չավուշօղլուն, նկատի ունենալով արցախյան հարցը, ասել է.

«Թուրքիան ցանկացած հարթակում, ցանկացած պայմաններում շարունակում է պաշտպանել Վրաստանի և Ադրբեջանի տարածքային ամբողջականությունը։ Մենք ցանկացած տեղում դա մշտապես ընդգծում ենք։ Մենք կշարունակենք աշխատանքներ իրականացնել Վրաստանի և Ադրբեջանի հետ, որպեսզի այդ երկու երկրների խնդիրները լուծվեն խաղաղ ճանապարհով, միջազգային իրավունքին համապատասխան և տարածքային անմբողջականության սկզբունքի շրջանակներում»։

Թուրք պաշտոնյան խոսել է նաև այլ հարցերի մասին, որի ընթացքում կարևորել է 3 երկրների համագործակցությունը ռազմական, էներգետիկ և տնտեսական ոլորտներում։

Չավուշօղլուի խոսքով 3 երկրների համագործակցության հարցում կարևոր դեր է խաղում Տրանսանատոլիական գազատարը (TANAP), ինչպես նաև Բաքու-Թբիլիսի-Կարս երկաթգիծը։ Չավուշօղլուի կարծիքով Բաքու-Թբիլիսի-Կարս-ը մեծ օգուտ է բերում 3 երկրներին։

Աղբյուր` Haberler

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։