Տարածաշրջան06:49, 26 Հոկտեմբեր 2018
Թուրք վերլուծաբան. «Ինչո՞ւ է Թուրքիան մասնակցում ՆԱՏՕ-ի հակառուսական զորավարժությանը»
Թուրք սյունակագիր Էրթյուրք Թյուրքերը վերլուծական հոդված է հրապարակել Նորվեգիայում հոկտեմբերի 25-ին մեկնարկած ՆԱՏՕ-ի երկրների համատեղ զորավարժության մասին։ Թուրքիան, որպես ՆԱՏՕ-ի անդամ երկիր, նույնպես մասնակցում է այդ զորավարժությանը։
Հոդվածում նշվում է, որ զորավարժությունն անցկացվելու է երկու փուլով, հոկտեմբերի 25-ից մինչև նոյեմբերի 7-ը և նոյեմբերի 14-ից մինչև նոյեմբերի 23-ը: Ներգրավված է լինելու ռեկորդային քանակությամբ զինծառայող (մոտ 51.000), 10.000. ռազմական մեքենա, 150 ռազմական ինքնաթիռ, 60 ռազմանավ:
Նշելով, որ զորավարժությունը ունի հստակ հակառուսական բնույթ, թուրք հեղինակը հարցադրում է անում, թե «Թուրքիան ի՞նչ գործ ունի այդ զորավարժությունում»։
«Այս զորավարժությունը, անշուշտ, օգուտ կբերի Թուրքիային ռազմական պատրաստվածության, զենքերի փորձարկման, ինչպես նաև այլ երկրների զինված ուժերի հետ համագործակցելու տեսանկյունից։ Սակայն, եթե որոշողը ես լինեի, Թուրքիան չէր մասնակցի դրան՝ հաշվի առնելով, որ զորավարժությունները թիրախավորում են Ռուսաստանին։ Բացի այդ, այն երկիրը (նկատի ունի Նորվեգիա), որտեղ ընթանում են այդ զորավարժությունները, չի ներառվում Թուրքիայի հետաքրքրությունների ու շահերի գոտում»։
Հեղինակը հավելում է, որ Նորվեգիայում ընթացող զորավարժություններին մասնակցելը Թուրքիայի համար ձեռնտու չէ ֆինանսական առումով՝ հաշվի առնելով, այն որ թուրքական տնտեսությունը ծանր ժամանակներ է ապրում։
Հիշեցնենք, որ Էրթյուրք Թյուրքերը պաշտոնաթող զինվորական է, որ ծառայություն է իրականացրել Թուրքիայի ռազմածովային ուժերը։ Նրա գրեթե բոլոր հոդվածները և վերլուծությունները առնչվում են ռազմական ոլորտի հետ։
Այս ենթաբաժնի վերջին նորությունները
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |