Թուրքիայում պաշտոնից ազատվում են քրդամետ կուսակցության գյուղապետները

Տարածաշրջան10:28, 26 Հոկտեմբեր 2018

Թուրքիայում պաշտոնից ազատվում են քրդամետ կուսակցության գյուղապետները

Թուրքիայի հարավարևելյան Հաքքարի նահանգի Յուքսեքովա շրջանում պաշտոնից ազատվել է 31 գյուղի գյուղապետ։

Աղբյուրը նշում է, որ գյուղապետներին այդ պաշտոններից ազատելը պատահականություն չէ՝ ավելացնելով, որ Թուրքիայում հունիսի 24-ին կայացած արտահերթ խորհրդարանական ընտրությունների ընթացքում, այդ գյուղերում Թուրքիայի քրդամետ «Ժողովուրդների դեմոկրատական կուսակցություն»-ը ստացել է 90 տոկոս ձայն։

Յուքսեքովայում կա 62 գյուղական համայնք, որից ուղիղ կեսի գյուղապետերը, մեկ օրում փոխվել են:

Որպես գյուղապետներին աշխատանքից ազատելու պատճառ առաջ է քաշվել այն հանգամանքը, որ «նրանք կապ ունեն ահաբեկչության հետ և իրականացրել են իրենց պաշտոնի հետ չառնչվող գործողություններ»։

Որպես ահաբեկչական կազմակերպություն նկատի է առնվում «Քուրդիստանի բանվորական կուսակցությանը» (ՔԲԿ-PKK), որի զինյալների հետ թուրքական անվտանգության ուժերի բախումները որոշ ընդմիջումներով շարունակվում են 1984 թվականից մինչ այսօր:

Աղբյուր` Demokrathaber

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։