Իրավական08:57, 23 Հոկտեմբեր 2018
Թուրքիայի արտգործնախարար. «Կարևոր է, որ Սաուդյան Արաբիան ընդունի Խաշոկջիի սպանությունը»
Թուրքիայի արտգործնախարար Մևլութ Չավուշօղլուն սաուդցի լրագրող Ջեմալ Խաշոկջիի (Քաշըքչը) սպանության և Սաուդյան Արաբիայի հետ ներկայիս հարաբերությունների վերաբերյալ հայտարարություններ է արել:
Արտգործնախարարը նշել է, որ Խաշոկջիի սպանության գործը քաղաքական երանգ ունի, և կարևոր է, որ Սաուդյան Արաբիան ընդունի վերջինիս սպանությունը:
Նրա տեղեկացմամբ` Թուրքիայի նախագահ Ռեջեփ Թայիփ Էրդողանը 2 անգամ հեռախոսազրույց է ունեցել Սաուդյան Արաբիայի արքայազն Սելմանի հետ, ինչի արդյունքում համատեղ աշխատանքների իրականացման որոշում է կայացվել:
«Կարևոր է, որ Սաուդյան Արաբիան ընդունի այս իրավիճակը: Թուրքիան թափանցիկ, ողջախոհ դիրքորոշում է ընդունել և վճռական է տրամադրված սպանության բացահայտման գործում»,- ասել է նա:
Չավուշօղլուն ընդգծել է, որ Թուրքիայի գլխավոր դատախազությունը Սաուդյան Արաբիայի և Թուրքիայի հետ համատեղ իրականացվող հետաքննությունից անջատ է իրականցնում իր աշխատանքները:
Իսկ ինչ վերաբերում է մինչ այդ ստացված տեղեկությունների մասին, ապա արտգործնախարարի փոխանցմամբ` ամեն բան լուսաբանվում է:
Խոսելով թուրք-սաուդական հարաբերություններից` Չավուշօղլուն նա պարզաբանել է. «ԱՄՆ կոնգրեսի անդամները և համաշխարհային մամուլը բացասաբար են արձագանքում, երբեմն էլ որոշ երկրների կողմից հանդիպում ենք այն ձևակերպմանը, թե ինչպես ենք առանց Սաուդյան Արաբիայի հետ հարաբերությունների վատթարացման` շարունակում աշխատել: Այս հարցը որևէ երկրի հետ կապ չունի: Արդյունքում կա սպանություն, որն իրավական գործընթաց է և պետք է բացահայտել»:
Հիշեցնենք, որ հոկտեմբերի 3-ին թուրքական մամուլում տեղեկություններ տարածվեցին այն մասին, որ Սաուդյան Արաբիայի վերաբերյալ քննադատական հոդվածներով հայտնի լրագրող, ամերիկյան «Washington Post» թերթի թղթակից Ջեմալ Խաշոկջին մուտք է գործել Ստամբուլում Սաուդյան Արաբիայի հյուպատոսարանի շենք և այնտեղից դուրս չի եկել:
Սկզբում ենթադրվում էր, որ Խաշոկջին ձերբակալված էր պահվում Ստամբուլի հյուպատոսարանի շենքում, սակայն օրեր անց արդեն սկսեց շրջանառվել վերջինիս սպանված լինելու վարկածը:
Նշվում է, որ Սաուդյան Արաբիայի քաղաքացի հանդիսացող Խաշոկջին հյուպատոսարան էր այցելել ամուսնալուծության վերաբերյալ փաստաթղթերը վերցնելու նպատակով:
ԱՄՆ-ում բարձրագույն կրթություն ստացած Խաշոկջին աշխատել է տարբեր սաուդական լրատվամիջոցներում՝ մշտապես հանդես գալով իշխանություններին քննադատող հոդվածներով: Իր երկրում հետապնդումների ենթարկված լրագրողը վերջին շրջանում թղթակցում էր ամերիկյան «Washington Post» թերթին, որտեղ նույնպես հանդես էր գալիս Սաուդյան Արաբիայի իշխանություններին քննադատող հոդվածներով:
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |