Բահչելին հայտարարել է, որ Էրդողանի հետ այլևս չկա դաշինք

Քաղաքական10:32, 23 Հոկտեմբեր 2018

Բահչելին հայտարարել է, որ Էրդողանի հետ այլևս չկա դաշինք

Թուրքիայի «Ազգայնական շարժում կուսակցության» (MHP-ԱՇԿ) առաջնորդ Դևլեթ Բահչելին անդրադարձել է 2019թ. Թուրքիայում կայանալիք տեղական ինքնակառավարման մարմինների (ՏԻՄ) ընտրություններում Էրդողանի գլխավորած «Արդարություն և զարգացում կուսակցության» (AKP-ԱԶԿ) հետ դաշինքով մասնակցել հարցին: Բահչելին նշել է, որ իրենք դաշինքով մասնակցելու ակնկալիք չունեն:

Վերջին իրադարձություններից հետո, երբ ԱԶԿ-ն փաստորեն մերժեց համաներման վերաբերյալ ԱՇԿ-ի նախաձեռնությունը և Էրդողանը հանդես եկավ այդ նախաձեռնությանն ուղղված քննադատական ելույթով, իսկ Բահչելին Էրդողանին անվանեց դեմագոգ, ի հայտ եկավ ճգնաժամ երկու կուսակցությունների փոխհարաբերություններում:

Նախկինում այս երկու ուժերի միջև բազմաթիվ անգամ նման «լեզվական փոխհրաձգություններ» եղել են, որոնց հետևել է հաշտեցում, ապա՝ մերձեցում: Նման մերձեցման արդյունքում էր, որ 2018 թ. հունիսի 24-ին Թուրքիայում տեղի ունեցած արտահերթ նախագահական և խորհրդարանական ընտրությունների ժամանակ այս երկու ուժերը մասնակցեցին «Ջումհուր» (Ժողովրդական) դաշինքով:

Սպասվում էր, որ իսլամական ուղղվածության ԱԶԿ-ն և ազգայնական ուղղվածության ԱՇԿ-ն դաշինքով հանդես կգան նաև 2019թ. սպասվող ՏԻՄ ընտրություններում, սակայն վերջին ճգնաժամը խարխլեց նրանց հարաբերություններն ու Բահչելին վերջնականապես հայտարարել է դաշինքի ավարտի և ՏԻՄ ընտրություններին առանձին մասնակցելու մասին:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։