Ռազմական12:24, 19 Հոկտեմբեր 2018
Թուրքիայում էլեկտրամագնիսական հրանոթ է արտադրվել
Թուրքական «Yeteknoloji» ընկերության հիմնադիր տնօրեն Ֆազըլ Հիզան մանրամասներ է հրապարակել տեղական արտադրության առաջին էլեկտրամագնիսական հրանոթի՝ «ŞAHİ 209»-ի մասին։
Աս գերնոր զինատեսակն արդեն հաջողությամբ փորձարկվել է և ընդունվել Թուրքիայի պաշտպանական արդյունաբերության վարչության կողմից։
Էլեկտրամագնիսական հրանոթը մեկ րոպեում կարող է երկու հարված հասցնել, այն առանց վառոդի անհրաժեշտության՝ բարձր լարմամբ առաջացող մագնիսական դաշտի ազդեցությամբ արկը կարող է նետել լույսի արագությունից շուրջ 5 անգամ մեծ արագությամբ։ Իսկ նրա կործանիչ ուժը շուրջ 1000 անգամ գերազանցում է ներկայումս գոյություն ունեցող բոլոր տեսակի հրանոթների կործանիչ ուժը։ Այս զինատեսակը չի ֆիքսվում ռադարների կողմից և գործնականում գոյություն չունի համարժեք հակազդող ուժ։
Էլեկտրամագնիսական հրանոթը հնարավորություն ունի մեծ հեռահարության բալիստիկ հրթիռներ և անգամ արբանյակներ արձակելու։ Միևնույն ժամանակ, այս համակարգի արտադրության համար շուրջ 1000 անգամ ավել փոքր բյուջե է անհրաժեշտ, քան մեկ հրթիռի արտադրության համար։
Էլեկտրամագնիսական զենքի նախագիծը Թուրքիայում մեկնարկել է 2008 թ․՝ բացառապես տեղական միջոցներով։ 2013թ․ ստեղծվել է զենքի առաջին նախատիպը։ Մինչև «ŞAHİ 209» մոդելի ստեղծումը պատրաստվել են ևս 8 փորձնական մոդելներ։ Այդ նախատիպերից որոշները վաճառվել են Թուրքիայում նմանատիպ նախագծերով զբաղվող ընկերությունների։
Էլեկտրամագնիսական հրանոթի կատարելագործման աշխատանքները այժմ ևս շարունակվում են։ Հիզանի խոսքով՝ ներկայումս փորձարկվում է «ŞAHİ 209»-ից 5 անգամ ավելի հզոր մոդելը։
Թուրքիան մինչ օրս էլեկտրամագնիսական հրանոթի նախատիպ արտադրած սակավաթիվ երկրներից մեկն է․ բացի Թուրքիայից ոլորտում հաջողության են հասել ԱՄՆ-ը, Չինաստանը և ֆրանս-գերամանական «ISL» ընկերությունը։ Իսկ Ճապոնիան, Ռուսաստանը և Հարավային Կորեան նմանատիպ նախագծերի շրջանակներում դեռևս լաբորատոր աշխատանքներ են իրականացնում։
Այս ենթաբաժնի վերջին նորությունները
Համապատասխան համաձայնագիրը ստորագրվել է Կահիրեում՝ Թուրքական ռազմարդյունաբերական HAVELSAN և եգիպտական AOI ընկերությունների միջև:
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հանդիպումը կայացել է «մեկ Լիբիա, մեկ բանակ» կարգախոսի ներքո իրականացվող համատեղ աշխատանքների շրջանակներում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |