Էրդողանը կոչով դիմել է թյուրքական ծագում ունեցող գագաուզներին

Քաղաքական13:32, 19 Հոկտեմբեր 2018

Էրդողանը կոչով դիմել է թյուրքական ծագում ունեցող գագաուզներին

Պաշտոնական այցով Մոլդովայում գտնվող Թուրքիայի նախագահ Ռեջեփ Թայիփ Էրդողանը, ելույթ ունենալով Մոլդովայի Գագաուզիայի ինքնավարության կենտրոն Կոմրատ քաղաքում, կոչ է արել տեղի թյուրքական ծագում ունեցող բնակչությանը՝ չտրվել ազգայնական հոսանքներին:

Գագաուզիան Մոլդվայի հարավում ազգային ինքնավարություն է՝ մոտավորապես 160 հազար բնակչությամբ, որի ճնշող մեծամասնությունը կազմում են թյուրքական ծագմամբ գագաուզները:

Էրդողանը ընդգծել է Թուրքիայի և Մոլդովայի միջև առկա բարեկամական հարաբերություններն ու կոչ արել գագաուզներին հեռու մնալ համաճարակի պես տարածվող մշակութային ազգայնական հոսանքներից և չընկնել դրանց թակարդը:

Թուրքիայի նախագահը, նշելով նաև Կոմրատ քաղաքում հիվանդանոցի բացման իրողությունը, խոստացել է 2019 թ.-ին էլ մեծ կրթական կենտրոն կառուցել: Նա տեղեկացրել է, որ Մոլդովայի հետ Թուրքիան 5 կարևոր պայմանագիր է կնքել, որի արդյուքնում երկկողմ կապերն ավելի են ամրապնդվելու:

Էրդողանը հայտնել է նաև Գագաուզիայի ինքնավարության կենտրոնում թուրքական հյուպատոսարան բացելու մտադրության մասին:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։