Իրավական09:16, 17 Հոկտեմբեր 2018
Էրդողանը հետ կվերցնի իր ծաղրանկարով պաստառ պատրաստած ուսանողների դեմ դատական հայցը
Թուրքիայի նախագահ Ռեջեփ Թայիփ Էրդողանն ընդունել է Թուրքիայի Մերձավոր Արևելքի տեխնիկական համալսարանի այն ուսանողներին, որոնց դեմ դատական հայց էր ներկայացվել «Թայիփների թագավորություն» անվամբ հայտնի ծաղրանկարի պատճառով։
Մերձավոր Արևելքի տեխնիկական համալսարանի այդ ուսանողները 2018թ․ հուլիսի 6-ին կազմակերպված ավարտական միջոցառման ժամանակ հրապարակ էին բերել Էրդողանի վերոնշյալ ծաղրանկարը՝ պաստառի տեսքով։ Հանրապետության նախագահին հրապարակավ վիրավորելու մեղադրանքով Էրդողանի փաստաբանները նրանց դեմ դատական հայց էին ներկայացրել։
Օրեր անց չորս ուսանողներ կալանավորվել էր։ Թուրքիայի քրեական օրենսգրքի 299-րդ հոդվածի համաձայն՝ նրանց սպառնում էր 1-4 տարի ազատազրկում։ Սակայն ուսանողների հարազատների միջնորդության շնորհիվ մեկ ամիս անց կալանավորվածները ազատ են արձակվել։ Նրանք ցանկություն են հայտնել հանդիպել Էրդողանի հետ և մեկնաբանել իրենց արարքը։ Էրդողանը նրանց թեյի է հրավիրել։ Ուսանողների և Թուրքիայի նախագահի հանդիպումը տևել է շուրջ 45 րոպե։
Իշխող «Արդարություն և զարգացում» կուսակցության (ԱԶԿ-AKP) խոսնակ Օմեր Չելիքը մամուլի ներկայացուցիչներին տեղեկություններ է հաղորդել հանդիպման մասին։ Նշել է, որ Էրդողանի փաստաբանները հոկտեմբերի 17-ին հետ կվերցնեն ուսանողների դեմ ներկայացված դատական հայցը։
«Թայիփների թագավորություն» ծաղրանկարը շուրջ 13 տարվա վաղեմություն ունի։ Այն 2005թ․ փետրվարի 24-ին հրապարակվել էր «Penguen» ամսագրի շապիկին։ Դրա պատճառով ամսագրի դեմ 40․000 լիրայի փոխհատուցման (30.600 դոլար) պահանջով դատական հայց էր ներկայացվել, սակայն դատարանը հայցը մերժել էր՝ ծաղրանկարը արդարացնելով խոսքի ազատության շրջանակներում։
Թուրքիայի ընդդիմադիր «Ժողովրդահանրապետական» կուսակցության (ԺՀԿ–CHP) առաջնորդ Քեմալ Քըլըչդարօղլուն՝ ի պաշտպանություն ուսանողների, «Twitter»-ում հրապարակել էր նշված ծաղրանկարը և մեկնաբանել․ «Պետք է հանդուրժես քննադատությունն ու հումորը: Ուսանողներին բանտ նետելով՝ չես կանխի քննադատությունն ու հումորը։
Այդ հրապարաման համար Էրդողանը 1 մլն լիրայի (շուրջ 206․390 դոլար) փոխհատուցման պահանջով հայց էր ներկայացրել Քըլըչդարօղլուի դեմ։
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |