Տարածաշրջան07:32, 17 Հոկտեմբեր 2018
Չավուշօղլուն՝ ԱՄՆ-ին. «Կամ Մանբիչը դուք մաքրեք քրդերից, կամ դա կանենք մենք»
Անկարայում կայացել է Թուրքիայի արտաքին գործերի նախարար Մևլութ Չավուշօղլուի և Հյուսիսային Կիպրոսի թուրքական ինքնահռչակ հանրապետության արտգործնախարար Քյուդրեթ Օզերսայի հանդիպումը։
Հանդիպումից հետո կողմերը մամուլի ասուլիս են տվել, որի ընթացքում Չավուշօղլուն անդրադարձել է Սիրիայի Մանբիչ քաղաքի հարցին, որտեղից ըստ թուրքական կողմի՝ Սիրիայի քրդական ուժերն ամբողջովին դուրս չեն եկել, ինչպես նախատեսված էր թուրք-ամերիկյան համաձայնագրով։
Չավուշօղլուն, անդրադառնալով Միացյալ Նահանգների պետքարտուղար Մայք Պոմպեոյի Թուրքիա կատարելիք այցին, ասել է.
«Պոմպեոյի հետ հանդիպմանը խոսելու ենք թուրք-ամերիկյան հարաբերություններին առնչվող բոլոր հարցերից։ Խոսելու ենք, թե ինչ քայլեր ենք իրականացնում տարբեր ոլորտներում։ Մեզ համար կան զգայուն հարցեր։ Օրինակ՝ գյուլենական համայնքի հարցը։
Երբ Պոմպեոն ստանձնեց իր պաշտոնը, մենք հաստատեցինք Մանբիչի ճանապարհային քարտեզը։ Համատեղ ռազմաուսումնական ծրագրեր սկսեցինք, թեև կան որոշակի հետաձգումներ։ Մեզ համար կարևոր է, որ այդ ճանապարհային քարտեզն ամբողջովին իրականացվի։ ԱՄՆ-ն աջակցություն է ցուցաբերել այդ ահաբեկիչներին։ Քաղաքը հանձնել է քրդերին այն դեպքում, երբ Մանբիչի բնակչության մեծ մասը կազմում են արաբները։ Կամ Մանբիչը դուք մաքրեք քրդերից, կամ դա կանենք մենք»։
Հիշեցնենք, որ հունիսի 4-ին Չավուշօղլուի՝ ԱՄՆ կատարած այցի ժամանակ ամերիկյան կողմի հետ պայմանավորվածություն էր ձեռք բերվել ճանապարհային քարտեզի շուրջ։ Դրանով նախատեսվում է քրդերին դուրս մղել Մանբիչից և նրանցից ետ վերցնել այն զենքերը, որոնք տրամադրվել էին ԱՄՆ-ի կողմից:
Այս ենթաբաժնի վերջին նորությունները
Սեյեդ Աբբաս Մուսավի. «Ադրբեջանն ուզում էր բաց ճանապարհ՝ առանց հայկական վերահսկողության, ինչը, բնականաբար, անընդունելի էր»։
Ըստ Քուրթուլմուշի՝ անկասկած է, որ Ադրբեջանի և Հայաստանի միջև կարգավորումը միևնույն ժամանակ վերջ է դրել ԵԱՀԿ Մինսկի խմբի գործունեությանը։
Անտառային հրդեհների հետևանքով տարհանվել է 6 թաղամաս և 5 գյուղ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Ամերիկյան «Global Guardian» թերթը հրապարակել է աշխարհի ամենավտանգավոր երկրների ցանկը:
Ռումինիայի պաշտպանության նախարար Իոնուտ Մոստեանուն կոչ է արել Ռումինիայի, Բուլղարիայի և Թուրքիայի միջև ստեղծված ականազերծման գործադիր խմբի լիազորությունները ընդլայնել:
Թուրքիան կշարունակի պայքարել 1967թ. սահմանների հիման վրա՝ անկախ և ինքնիշխան Պաղեստինի պետության ստեղծման համար:
Թուրքիայի մամուլի ֆեդերացիայի նախագահը ակցիայի ընթացքում նշել է, որ Նեթանյահուն ներկայացրել է «Մեծ Իսրայել» նախագիծը, որտեղ ներառված է նաև Թուրքիայի տարածքը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |