Միջազգային07:09, 16 Հոկտեմբեր 2018
Financial Times։ «Բրանսոնի ազատումը կարող է թուրք-ամերիկյան հարաբերություններում նոր սկիզբ լինել»
Բրիտանական «Financial Times» թերթն անդրադարձել է երկար ժամանակ Թուրքիայում կալանքի տակ գտնվելուց հետո, ի վերջո, ազատ արձակված ամերիկացի քահանա Բրանսոնի հարցին։
Պարբերականն արձանագրել է, որ Թուրքիայում ազատություն ստանալուց 24 ժամ անց Բրանսոնը հայտնվել է Սպիտակ տան oվալաձև սենյակում՝ ԱՄՆ նախագահ Դոնալդ Թրամփի դիմաց։ Ըստ աղբյուրի՝ Բրանսոնին ազատ արձակելը լավ հնարավորություն է՝ ԱՄՆ-ի և Թուրքիայի հարաբերություններում նոր սկիզբ դնելու համար։
Թերթի համաձայն՝ թուրք-ամերիկյան հարաբերություններին սպառնացող իրադարձությունների շղթան սկիզբ է առել 2016թ․ հուլիսի 15-ի հեղաշրջման փորձից հետո։ Այդ շղթայի օղակներից են մասնավորապես հեղաշրջման փորձի կազմակերպման մեջ ամերիկաբնակ Ֆեթհուլլահ Գյուլենին ուղղված մեղադրանքները, Բրանսոնի գործը, ԱՄՆ-ի կողմից Թուրքիային ուղղված տնտեսական պատժամիջոցները, թուրքական լիրայի փոխարժեքի կտրուկ անկումը։
«Պարոն Բրանսոնի ազատ արձակումը դեռ չի լուծում Թուրքիայի և ԱՄՆ-ի միջև առկա բոլոր խնդիրները։ Էրդողանի կառավարությանը բարկացնում է ԱՄՆ-ի կողմից Սիրիայի քուրդ զինյալներին աջակցություն ցուցաբերելու փաստը։ Թուրքերը պնդում են, որ այդ զինյալները Թուրքիայում գործող քուրդ ահաբեկիչների դաշնակիցներն են։
Իսկ ամերիկացիները մտահոգված են պարոն Էրդողանի և Ռուսաստանի նախագահ Վլադիմիր Պուտինի միջև առկա «սիրախաղից»։ Բարկացած են նաև Էրդողանի՝ ռուսական պաշտպանական համակարգեր գնելու մտադրությունից։ Այդ որոշումը Վաշինգտոնի կողմից դիտարկվում է որպես հակասություն ՆԱՏՕ-ի անդամակցությանը և կարող է Թուրքիային ուղղված նոր պատժամիջոցների պատճառ դառնալ։
Ի դեպ, ԱՄՆ-ում դժգոհություն է հարուցում նաև Էրդողանիի՝ հետզհետե ավելի ավտորիտար դարձող պահվածքը սեփական երկրի ներսում, ներառյալ՝ մարդկանց զանգվածաբար աշխատանքից հեռացնելու, լրագրողներին կալանավորելու դեպքերը», - գրում է թերթը։
Այս ենթաբաժնի վերջին նորությունները
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |