Քաղաքական11:00, 08 Հոկտեմբեր 2018
Էրդողանը Թուրքիայի 2-րդ նախագահի մասին. «Թուրքիայի դրոշի փոխարեն ԱՄՆ-ի դրոշն էր պահում»
Թուրքիայի նախագահ Ռեջեփ Թայիփ Էրդողանն իշխող «Արդարություն և զարգացում» (ԱԶԿ-AKP) կուսակցության ժողովի ժամանակ կոշտ հայտարարություններ է արել ընդդիմադիր, քեմալական «Ժողովրդահանրապետական կուսակցության» (ԺԴԿ-CHP) հասցեին։
Էրդողանը թիրախավորել է Թուրքիայի Հանրապետության երկրորդ նախագահ Իսմեթ Ինոնյուին: Քննադատելով Ինոնյուի ամերիկամետ քաղաքականությունը՝ Էրդողանը վերցրել է Ինոնյուի լուսանկարներից մեկը և ասել.
«Ուշադրություն դարձրեք, որ այս լուսանկարում Ինոնյուն իր ձեռքում պահում է ոչ թե Թուրքիայի, այլ ԱՄՆ-ի դրոշը։ Սա Ինոնյուն է։ Սրանց (CHP-խմբ.) անցյալը միշտ այսպիսին է եղել։ Երեկ ինչ էին, որ այսօր էլ ինչ լինեն։ Նրանց արածները սա է։ Այս դրոշն Ինոնյուն ինչո՞ւ է ձեռքում պահում։ Այս պահին մեր հարավում ԱՄՆ-ի կողմից լիազորված հատուկջոկատայինները ո՞ւմ կողքին են կանգնած։ Ահաբեկիչների։ Ովքե՞ր են այդ ահաբեկիչները, «Քուրդիստանի բանվորական կուսակցությունն» է (ՔԲԿ-PKK) և վերջինիս ճյուղերը Սիրիայում։ Ո՞վքեր են, որ ձեռք ձեռքի տված են ահաբեկիչների հետ, CHP-ն է, ինչպես նաև քրդամետ ընդդիմադիր «Ժողովուրդների դեմոկրատական» (ԺԴԿ-HDP) կուսակցությունը։ Սրանց դեմ պայքարողն ո՞վ է։ Իմ սահմանապահ զինվորն է»։
Ինոնյուն նախագահել է այն ժամանակ, երբ երկրում միակուսակցական համակարգ էր՝ Աթաթուրքի հիմնադրած CHP կուսակցության գլխավորությամբ։
Հիշեցնենք, որ մի քանի օր առաջ PKK-ի իրականացրած գործողության հետևանքով 8 թուրք զինվոր էր սպանվել։ Էրդողանը խոստացել էր, որ PKK-ն դրա համար թանկ է վճարելու:
Այս ենթաբաժնի վերջին նորությունները
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի նախագահն անդրադարձել է Թրամփ-Պուտին հանդիպմանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |