Էրդողանը ցանկանում է հանրաքվեի դնել Թուրքիայի՝ ԵՄ-ին անդամկացության բանակցությունները շարունակելու հարցը

Քաղաքական13:22, 05 Հոկտեմբեր 2018

Էրդողանը ցանկանում է հանրաքվեի դնել Թուրքիայի՝ ԵՄ-ին անդամկացության բանակցությունները շարունակելու հարցը

Թուրքիայի նախագահ Ռեջեփ Թայիփ Էրդողանը հայտարարել է, որ իրենք կարող են հանրաքվե անցկացնել Թուրքիայի՝ Եվրամության անդամակցության բանակցությունները շարունակել-չշարունակելու թեմայով:

«2018 թվականն է, բայց մեզ դեռ խաղացնում են: Այդպիսի դաժանություն չի լինի: Եթե ԵՄ-ը առաջ շարժվի այս տրամաբանությամբ, մեզ կմնա գնալ 81 միլիոնի մոտ (Թուրքիայի ժողովրդի-խմբ.) և տեսնել, թե ինչ որոշում է ընդունում 811 միլիոնը: Եվրոպական երկրներ կան, որ տարվա մեջ 2-3 հանրաքվե են անցկացնում»,- ասել է Էրդողանը՝ «TRT World» ֆորումի փակման արարողությանը ունեցած ելույթի ժամանակ:

Էրդողանը հայտարարել է նաև, որ «ԵՄ-ի վերջը մոտ է»:

«Թող ժամ առաջ դա տեղի ունենա, որպեսզի մենք էլ մեր կուրսը հստակեցնենք»,- ավելացրել է Թուրքիայի նախագահը:

Թուրքիան Եվրոպական Միություն մտնելու հայտ է ներկայացրել դեռ 1987 թվականին: Առանց այդ էլ արդյունավետությամբ աչքի չընկնող բանակցություններն 2016 թվականին ժամանակավորապես դադարեցվեցին: Այս ընթացքում հարաբերությունները զգալիորեն վատացել են Թուրքիայում տեղի ունեցող մարդու հիմնարար իրավուքների և օրենքի գերակայության շարունական խախտումների պատճառով

2016 թվականի նոյեմբերի 24-ին Եվրախորհրդարանը քվեարկեց անդամակցության բանակցությունները կասեցնելու օգտին, սակայն այս որոշումը պարտավորեցնող չէր: Դեկտեմբերի 13-ին Եվրոպական Խորհուրդը հաստատեց, որ որևէ նոր տեղաշարժ չի գրանցվի Թուրքիայի հետ հարաբերություններում գերակա հանգամանքների պատճառով, քանի որ Թուրքիայի` ավտորիտարիզմի տանող ճանապարհը ԵՄ-ի հետ հարաբերությունները անհնար է դարձնում:

2017 թվականին, հատակապես Սահամանադրական բարեփոխումների ժամանակ Էրդողանի կուսակցության հաղթանակի պատճառով, Թուրքիայի անդմակցության գործընթացը դադարեցվեց:

Աղբյուր` BBCTurk

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։