Ցեղասպանություն09:44, 04 Հոկտեմբեր 2018
Թուրքիայում վիճում են, թե Հայոց ցեղասպանության ժխտման գործում ով է ավելի շատ ջանք թափել
Թուրք քաղաքական գործիչների միջև կոնֆլիկտ է առաջացել այն հարցի շուրջ, թե ով է ավելի շատ ջանք թափել Հայոց ցեղասպանության փաստի հերքման համար։
Մասնավորապես Թուրքիայի փոխնախագահ Ֆուաթ Օքթայը հայտարարել է, թե «Հայոց ցեղասպանության մասին պնդումները» հերքվել են «Թուրքական պատմագիտական ընկերության», նմանատիպ պետական կառույցների և թուրք դիվանագետների ջանքերի շնորհիվ։
Իսկ հայտնի հայատյաց Դողու Փերինչեքի գլխավորած «Vatan» կուսակցության ներկայացուցիչները՝ Ֆերիթ Իլսևերը և Յունուս Սոները, համատեղ մամուլի ասուլիսում խիստ քննադատության են ենթարկել Օքթային այդ հայտարարության համար։
Իլսևերի խոսքով՝ իշխող «Արդարություն և զարգացում» կուսակցությունը (ԱԶԿ-AKP) նմանատիպ հայտարարություններով մի կողմից անտեսում է եվրադատարանում (ՄԻԵԴ) թուրքական կողմի տարած հաղթանակը, մյուս կողմից՝ թաքցնում է Հայոց ցեղասպանության հարցը տարբեր երկրների խորհրդարաններում բարձրացնող իրական ուժի ով լինելու փաստը։
Ըստ նրա՝ թեև Հայոց ցեղասպանության ճանաչման համար պայքարող ուժը համարվում է հայկական սփյուռքը, այնուամենայնիվ, իրականում խարհրդարաններում ճանաչման բանաձևերի հայտնվելուն նպաստում է ԱՄՆ-ն, որը ցանկանում է Թուրքիան աշխարհին ներկայացնել որպես ցեղասպանագործ պետություն և պառակտել այն։
Իլսևերը նաև մեղադրել է ԱԶԿ-ին՝ Հայոց ցեղասպանության փաստը հերքելու համար երկար ժամանակ ՄԻԵԴ-ում Շվեյցարիայի դեմ պայքարող Դողու Փերինչեքին չսատարելու, ավելին՝ այդ պայքարի ընթացքում Փերինչեքին հնարավոր բոլոր ճանապարհներով խանգարելու մեջ։
Թուրք գործչի կարծիքով Հայոց ցեղասպանության հարցը պատմաբաններին թողնելու վերաբերյալ ԱԶԿ-ի դիրքորոշումն իրականում Թուրքիայի անվան համար պայքարից խուսափելու հետևանք է։ Իսկ 2005թ․ ԵՄ շրջանակային պայմանագիրը ստորագրած ԱԶԿ-ն ըստ էության այդ փաստաթղթով ընդունել է Հայոց ցեղասպանությունը։
Հիշեցնենք, որ «Vatan» կուսակցության առաջնորդ Դողու Փերինչեքը 2005թ․ Շվեյցարիայում մի գիտաժողովի ժամանակ Հայոց ցեղասպանությունը «միջազգային սուտ» էր անվանել։ Այս հայտարարության համար Շվեյցարիայի դատարանը 2008թ. նրան դատապարտել էր 90-օրյա պայմանական ազատազրկման կամ դրան համարժեք տույժի, ինչպես նաև 12 հազ. շվեյցարական ֆրանկ տուգանքի: Սակայն Փերինչեքը Շվեյցարիայի դեմ հայց էր ներկայացրել Մարդու իրավունքների եվրոպական դատարան, որն էլ, ի վերջո, 2015թ․ որոշում կայացրեց ի օգուտ Փերինչեքի՝ նրա հայտարարությունը արդարացնելով խոսքի ազատության իրավունքով։ ՄԻԵԴ-ի այս վճիռը թուրքական կողմը ընդունեց որպես հաղթաթուղթ՝ ժխտողական քաղաքականության արդարացնելու և տարբեր երկրներում Ցեղասպանության ժխտումը քրեականացնող օրենքների դեմ պայքարելու համար։
Այս ենթաբաժնի վերջին նորությունները
Հայոց ցեղասպանությունը ճանաչման մասին օրենքի այդ նախագիծը Համայնքների պալատ է ներկայացրել պահպանողական պատգամավոր Թիմ Լոութընը։
Թուրքիայի խորհրդարանի նախագահ. «Այս հարցը Հայաստանին, Հայաստանում ապրող հայերին ոչ մի օգուտ չի տա, ընդհակառակը՝ վնասակար կլինի»։
Պատճառը սույն թվականի ապրիլի 24-ին Հայոց ցեղասպանության վերաբերյալ կազմակերպության Ադանայի մասնաճյուղի տարածած հայտարարությունն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նուման Քուրթուլմուշ. «Մենք ցանկանում ենք, որ Հայաստանը Կովկասի խաղաղությանն աջակցի ոչ թե հայկական լոբբիի ցույց տված ուղղությամբ, այլ Հայաստանում ապրող հայ ժողովրդի շահերին համապատասխան»:
Դմիտրի Պեսկովը հարցազրույց է տվել հունական հեռուստալիքներից մեկին՝ Սոչիում Վլադիմիր Պուտինի ու Հունաստանի վարչապետի միջև կայանալիք հանդիպումից առաջ:
«Մենք չենք ճանաչում Քավալայի, Դեմիրթաշի, սրա, նրա հետ կապված ԵՄ որոշումները։ Հարցն այդքան պարզ է։»,-նշել է Թուրքիայի նախագահը։
«Օրբելի» կենտրոնում թեման քննարկում են թուրքագետ Անահիտ Վեզիրյանը և տնտեսագետ Տաթևիկ Առուստամյանը։
Պաշտոնական այցով Կատարում գտնվող Թուրքիայի նախագահը հանդիպել է Կատարի էմիր Թամիմ բին Համադ Ալ Թանիի հետ։
Օրացույց
արտարժույթ
| EUR | TRY | USD |
| 549.84 | 90.05 | 485.12 |