ԵԽ-ն վավերացրել է Թուրքիային 70 մլն եվրո չտրամադրելու օրինագիծը

Միջազգային06:24, 03 Հոկտեմբեր 2018

ԵԽ-ն վավերացրել է Թուրքիային 70 մլն եվրո չտրամադրելու օրինագիծը

Եվրախորհրդարանը (ԵԽ) վավերացրել է Թուրքիային ֆինանսական օգնություն չտրամադրելու մասին փաթեթը, որը ընդունվել էր 2018թ. սկզբին։

Ֆինանանսական օգնության փաթեթը 2018-ի նոյեմբերին պետք է Թուրքիային տրամադրվեր այդ երկրում օրենքի գերակայության, ժողովրդավարության, մարդու իրավունքների ու մամուլի ազատության ոլորտում չափելի և բավարար առաջընթացի առկայության դեպքում: Սակայն ԵԽ-ի բյուջեի հանձնաժողովը, հիմք ընդունելով 2018-ի ապրիլի 18-ին Թուրքիայի վերաբերյալ ԵՄ-ի հրապարակած բացասական եզրակացությամբ զեկույցը, որոշում էր կայացրել չեղարկել փաթեթի տրամադրումը:

Հանձնաժողովի կողմից ընդունված որոշման նախագծի վերջնական հաստատման համար անհրաժեշտ էր, որ այն մեկ անգամ էլ քվեարկության դրվի ԵԽ-ի լիագումար նիստում:

Ստրասբուրգում օրինագծի վավերացմանը կողմ են քվեարկել ԵԽ-ի 544 պատգամավոր, 28-ը՝ դեմ, 74-ը՝ ձեռնպահ։ Նշվում է, որ վավերացման պատճառն այն էր, որ Թուրքիայում մինչ օրս ժողովրդավարության, մարդու իրավունքների պաշպանության հետ կապված հարցերում առաջընթաց տեղի չի ունեցել։

Նշվում է նաև, որ այն գումարը, որ ԵԽ-ն պատրաստվում էր տրամադրել Թուրքիային, օգտագործվելու է Միջերկրական ծովից Եվրոպա գաղթող փախստականների հարցերը լուծելու համար։

Աղբյուրն ընդգծում է, որ սա ԵԽ-ի պատմության մեջ առաջին դեպքն է, երբ թեկնածու երկրին չի տարամադրվում ֆինանսական օգնություն։

Աղբյուր` Gercek gundem

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: