ԱՄՆ. «Քաղաքական լարվածությունից չի տուժել Թուրքիայի հետ ռազմական համագործակցությունը»

Քաղաքական08:10, 03 Հոկտեմբեր 2018

ԱՄՆ. «Քաղաքական լարվածությունից չի տուժել Թուրքիայի հետ ռազմական համագործակցությունը»

ՆԱՏՕ-ում ԱՄՆ-ի մշտական ներկայացուցիչ Քեյ Բեյլի Հաթչիսոնը հայտարարել է, որ չնայած Վաշինգտոնի և Անկարայի միջև առկա քաղաքական լարվածությանը՝ 2 երկրի պաշտպանության նախարարների ու ռազմական գերատեսչությունների միջև համագործակցությունը շարունակվում է:

ՆԱՏՕ-ի անդամ երկրների պաշտպանության նախարարների հանդիպումից առաջ տված մամուլի ասուլիսին Հաթչիսոնը մասնավորապես ասել է. «Թուրքիան ՆԱՏՕ-ի մեր շատ կարևոր դաշնակիցն է, այստեղ որևէ փոփոխություն չկա»:

ԱՄՆ-ի ներկայացուցիչը նշել է, որ 2 երկրի պաշտպանական գերատեսչությունների ղեկավար կազմերի միջև բարեկամական հարաբերություններ են ձևավորված: Ըստ Հաթչիսոնի հատկապես բարեկամական են Թուրքիայի զինված ուժերի գլխավոր շտաբի պետ Յաշար Գյուլերի և ԱՄՆ-ի պաշտոնակից Ջոզեֆ Դանֆորդի, ինչպես նաև ԱՄՆ-ի պաշտպանության նախարար Մատիսի և թուրք պաշտոնակից Հուլուսի Աքարի հարաբերությունները:

«Այո, երկկողմ հարաբերություններում բոլորին հայտնի հայացքների տարբերություններ կան, սակայն դրանք չեն խոչընդոտել ռազմական բնագավառի երկխոսությանը, և ՆԱՏՕ-ի շրջանակներում Թուրքիան շարունակում է մնալ մեր դաշնակիցը: Թուրքիան ՆԱՏՕ-ի անդամ դառնալուց ի վեր աջակցել է դաշինքի բոլոր առաքելություններին: Թեև առկա են հայացքների տարբերություններ, բայց մենք անպայման շարունակելու ենք միասին աշխատել և հույս ունենք շարունակել նաև այս պահին առկա երկխոսությունը»,-եզրափակել է ՆԱՏՕ-ում ԱՄՆ-ի մշտական ներկայացուցիչը:

Աղբյուր` Timeturk

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։