Ցեղասպանություն13:27, 01 Հոկտեմբեր 2018
Փայլանի պատասխանը Թուրքիայի փոխնախագահին՝ «Թուրքական թեզերը ռասիստական են»
Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) պոլսահայ պատգամավոր Գարո Փայլանը մեկնաբանել է Հայոց ցեղասպանության վերաբերյալ Թուրքիայի փոխնախագահ Ֆուհաթ Օքթայի հակահայկական հայտարարությունը:
«Bianet» լրատվական կայքին տված մեկնաբանության մեջ Փայլանը նշել է, որ Թուրքիայի նոր դիրքորոշումը հիմնված է ոչ թե առերեսման, այլ ժխտողականության ու ձուլման վրա և այս տեսանկյունից նոր թշնամիների կարիք կա:
Ըստ Փայլանի՝ Թուրքիայում բնակվող հազարավոր հայերի ցավի նկատմամբ ոչ մի կարեկցանք չպարունակող հայտարարություններն այնտեղ ապրող ժողովուրդներին ոչ մի օգուտ չեն տալու։ Փայլանը, նշելով, որ նման արտահայտությունները «թուրքական ազգայնական մտածելակերպի» արդյունքն են, հավելել է. «Նրանք, ում դուք թշնամի եք դարձրել, մեր ազգականներն են, մեր քաղաքացիներն են»:
Փայլանն Օքթայի հայտարարությանն արձագանքել է նաև «Twitter»-ում կատարած գրառմամբ.
«Հայկական սփյուռքը կայսերիցին, մալաթիացին, ստամբուլցին, բուրսացին, թեքիրդաղցին, դիարբեքիրցին է։ Նրանք, ում դուք թշնամի եք դարձրել մեր բարեկամներն ու մեր քաղաքացիներն են։ Թուրքական թեզերը ռասիստական են և ցեղասպան։ Մեր ցավի օջախը Թուրքիայում է և միայն Թուրքիայում է հնարավոր այն բուժել»։
Հիշեցնենք, որ Թուրքիայի փոխնախագահ Ֆուաթ Օքթայը, ելույթ ունենալով Թուրքիայի պատմագիտական ընկերության կողմից կազմակերպված «Թուրքական պատմության համաժողովի» բացմանը, անդրադարձել էր Հայոց ցեղասպանությանը: Օքթայը, նշելով, որ իրենք Հայկական սփյուռքի ճնշմամբ թուրքական թեզերն արգելող խորհրդարանների որոշումները չենք հարգում, ասել էր .
«Նրանք, ովքեր ցանկանում էին 1915-ի դեպքերն օգտագործելով մեր պատմությունը սևացվել, չնայած իրենց ջանքերին, չեն հասել իրենց նպատակներին՝ բացառությամբ մեր երկրի նկատմամբ բացահայտ թշնամանք ունեցող պետությունների: Հատկապես 2015թ-ից առաջ ակտիվացած զրպարտող արշավներն արդյունք չտվեցին՝ շնորհիվ մեր երկրի կեցվածքի, Թուրքիայի պատմագիտական ընկերության նման պետական հաստատությունների ջանքերի և մեր դիվանագետների աշխատանքի»:
Ermeni diasporası; Kayserili, Malatyalı, İstanbullu, Bursalı, Tekirdağlı, Diyarbakırlıdır...
— Garo Paylan (@GaroPaylan) October 1, 2018
Düşmanlaştırdıklarınız akrabalarımdır.
Düşmanlaştırdıklarınız vatandaşlarımızdır.
“Türk tezleri” parantezi ırkçıdır, soykırımcıdır.
Acımız Türkiyelidir.
Ancak Türkiye’de iyileşebilir. https://t.co/qewzCdaMBX
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դավիդի փոդքաստում պատասխանելով այն հարցին, թե ինչու ոչ մի վարչապետ չի ճանաչել ցեղասպանությունը, նա պատասխանել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Հայդար Ալթընթաշի համոզմամբ՝ Թուրքիան այսօր կանգնած է պատմական հնարավորության առաջ։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |