Թուրքիայի նախագահը մեղադրել է ԱՄՆ-ին խոստումը չկատարելու համար

Քաղաքական07:42, 28 Սեպտեմբեր 2018

Թուրքիայի նախագահը մեղադրել է ԱՄՆ-ին խոստումը չկատարելու համար

Թուրքիայի նախագահ Ռեջեփ Թայիփ Էրդողանն ԱՄՆ կատարած այցի մասին խոսել է իրեն ուղեկցող լրատվամիջոցների լրագրողների հետ: Գնահատելով տեղի ունեցած հանդիպումները և ելույթները՝ Էրդողանը մասնավորապես մեղադրել է ԱՄՆ-ին իր խոստումը չպահելու մեջ:

Ըստ նրա՝ ԱՄՆ-ն շեղվել է Մանբիչի հետ կապված ճանապարհային քարտեզից ու ժամանակացույցից: Քրդական «Ժողովրդավարական միություն կուսակցությունը» (ԺՄԿ-PYD) և «Ժողովրդական ինքնապաշտպանական ջոկատները» (ԺԻՋ-YPG) չեն լքել տարածքը: Էրդողանը պնդում է, որ ԱՄՆ-ն այս առումով դրժել է իր խոստումն ու պատրաստվում է իր ամրաշինությունները ահաբեկչական խմբավորման հետ միասին կառուցել:

Անդրադառնալով ՄԱԿ-ի Գլխավոր ասամբլեայի 73-րդ նստաշրջանին Թրամփի ունեցած ելույթին և ԱՄՆ-ի մոտեցումներին՝ Էրդողանը մասնավորապես նշել է. «Ի հեճուկս մեր առաջարկած համաշխարհային խաղաղության տեսլականի՝ ԱՄՆ-ի ղեկավարությունը միակողմանի և պարտադրողական աշխարհայացքով է առաջնորդվում: Լատինական Ամերիկայի, փախստականների և այլ խնդիրների վերաբերյալ Թրամփի մոտեցումները քննադատության են արժանանում բազմաթիվ երկրների առաջնորդների կողմից: Ուժեղ եմ, ուրեմն իրավացի եմ սկզբունքով առաջնորդվելով՝ հնարավոր չէ արդարության և խաղաղության աշխարհակարգ ձևավորել»:

Էրդողանը հայտնել է, որ նախագահ Թրամփի հետ շատ հպանցիկ է խոսել: Հետո Մելանյա Թրամփն իրեն ասել է «կտեսնվենք», բայց ինքը հրաժարվել է մասնակցել ընթրիքին, քանի որ ընթրիքի ժամանակ ընտանեկան լուսանկարներ են արվում: ԱՄՆ նախագահի սեղանի շուրջ նստած է եղել նաև Եգիպտոսի նախագահ Աբդել Ֆաթթահ Ալ-Սիսին, և Էրդողանը նշել է, որ չէր կարող իրեն թույլ տալ նստել այդ սեղանի շուրջ: Փոխարենը իր խոսքով Սիրիայի հարցի շուրջ նա երկար զրույց է ունեցել Ռուսաստանի Դաշնության արտգործնախարար Սերգեյ Լավրովի հետ:

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։