Քաղաքական09:24, 20 Սեպտեմբեր 2018
Թուրք պաշտոնյա. «Հայ-թուրքական արձանագրությունները մեր օրակարգում չեն և չեն էլ լինելու»
Թուրքիայի խորհրդարանի արտաքին հարաբերությունների հանձնաժողովի նախագահ Վոլքան Բոզքըրը Բաքու կատարած պաշտոնական այցի ընթացքում հայտարարել է, որ հանձնաժողովը հայ-թուրքական արձանագրություններն օրակարգ չի բերելու:
Թուրքական ԶԼՄ-ների հարցերին պատասխանելիս Բոզքըրը հայ-թուրքական արձանագրությունների վերաբերյալ ասել է. «Քանի դեռ մեջլիսի արտաքին հարաբերությունների հանձնաժողովի նախագահը ես եմ, հայ-թուրքական արձանագրությունները հանձնաժողովի օրակարգում չեն ու չեն էլ լինելու»:
Բոզքըրն անդրադարձել է նաև ԼՂ հիմնախնդրին, նշելով, որ այն եղել է ադրբեջանցի պաշտոնյաների հետ հանդիպումների օրակարգում: Ընդգծելով, որ ԼՂ խնդիրը Թուրքիայի համար առաջնային հարց է, նա հիշեցրել է Թուրքիայի նախագահ Էրդողանի խոսքերը, որ «քանի դեռ ԼՂ հիմնախնդիրը լուծված չէ, Թուրքիան Հայաստանի հետ սահմանը չի բացելու»:
Այս թեմայով «Ermenihaber.am»-ի հետ զրույցում թուրքագետ Անահիտ Վեզիրյանը նշեց, որ թուրք գործչի հայատարարությունը չնայած ժամանակավրեպ է և որևէ կարևորություն իրենից չի ներկայացնում, բայց իր մեջ պարունակում է այն ուղերձը, որ Թուրքիան մեկ անգամ ևս շեշտում է, որ դեռ ցանկություն չունի Հայաստանի հետ հարաբերությունները կարգավորելու:
«2009թ. հոկտեմբերի 10-ին Ցյուրիխում Հայաստանի և Թուրքիայի միջև երկկողմ հարաբերություններն առանց նախապայմանների կարգավորելու մասին ստորագրված արձանագրությունները պետք է վավերացվեին երկու երկրների խորհրդարանների կողմից: Ըստ ընթացակարգի՝ նման փաստաթղթերը պետք է քննարկվեն խորհրդարանի արտաքին հարաբերությունների հանձնաժողովում, ապա նոր ներկայացվեն խորհրդարան: Այս դեպքում այդ հանձնաժողովի նախագահ Վոլքանը Բոզքըրի՝ արձանագրությունների վերաբերյալ հայտարարությունը կարևոր կարող էր լինել, եթե այն չլիներ ժամանակավրեպ:
Բանն այն է,որ մարտի 1-ին ՀՀ նախագահ Սերժ Սարգսյանը հայտարարել էր, որ Հայաստանը չեղարկում է հայ-թուրքական արձանագրությունները: Սա նշանակում է, որ այդ արձանագրությունները այլևս որևէ իրավական նշանակություն չունեն, քանի որ կողմերից մեկը, այս դեպքում Հայաստանը, հրաժարվել է գործընթացից, մյուսի՝ արձանագրությունները կյանքի կոչելու համար նախապայմաններ առաջ քաշելու պատճառով»,-ասաց Անահիտ Վեզիրյանը:
Թուրքագետը ուշադրություն հրավիրեց նաև այն հանգամանքի վրա, թուրք պաշտոնյան չէր կարող նման հայտարարություն անել՝ անտեղյակ լինելով, որ Հայաստանը հետ է կանչել իր ստորագրությունն արձանագրություններից և դրա բերած հետևանքներից: Ուստի, սա, ինչպես նաև այն, որ հայտարարությունն արվել է Բաքվում, թույլ է տալիս եզրակացնել, որ Բոզքըրի խոսքերն ուղղված են եղել ադրբեջանական լսարանին:
Այս ենթաբաժնի վերջին նորությունները
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Գերմանիայի նախագահ Ֆրանկ-Վալտեր Շթայնմայերի Թուրքիայի կատարած այցը մեծ արձագանք է գտել գերմանական մամուլում:
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |