Իրանը հույս է հայտնել, որ Թուրքիայի ու Ռուսաստանի հետ համաձայնության կհասնի Իդլիբի հարցում

Քաղաքական13:14, 06 Սեպտեմբեր 2018

Իրանը հույս է հայտնել, որ Թուրքիայի ու Ռուսաստանի հետ համաձայնության կհասնի Իդլիբի հարցում

Իրանի խորհրդարանի խոսնակ Ալի Լարիջանին անդրադարձել է վաղը՝ սեպտեմբերի 7-ին Թեհրանում սպասվելիք Իրանի, Թուրքիայի ու Ռուսաստանի նախագահների հանդիպմանը, որտեղ քննարկվելու են Սիրիայի Իդլիբ նախանգում տեղի ունեցող զարգացումները: Նշվում է, որ հանդիպման ժամանակ 3 երկրների ղեկավարները փորձելու են համաձայնեցնել Իդլիբում ձեռնարկվելիք գործողությունների շուրջ եղած անհամաձայնությունները:

Լարիջանին հույս է հայտնել, որ սպասվող եռակողմ բանակցությունների ընթացքում նախագահները վերջնական պայմանավորվածության կհասնեն Իդլիբի թեմայով:

Հիշեցնենք, որ օրեր առաջ ռուսական ռազմական ինքնաթիռները հրթիռակոծել են Իդլիբ նահանգում Սիրիայի ընդդիադիր ուժերի դիրքերը։ Հրթիռակոծվել են հատկապես Իդլիբի արևմուտքում գտնվող Ջիսիր էշ Սուղուր, Բիսենքուլ, Գանի, Իննեբ, Սըրմանիյե շրջանները, ինչպես նաև և Համա շրջանի հյուսիսը։

Ռուսաստանի օդային հարվածներին հաջորդել են Սիրիայի կառավարական ուժերի հրետանային հարվածները Իդլիբի ուղղությամբ: Այս իրադարձություններին անհամաձայնություն է հայտնել պաշտոնական Անկարան: Թուրքիայի ԱԳ նախարար Մևլութ Չավուշօղլուն թեմայի վերաբերյալ մասնավորապես ասել էր.

«Այս հարցում ոչ ոք թող դիմացինին չխաբի, այս հարձակումների նպատակն Իդլիբը գրավելն է: Այս ամենը լուրջ ռիսկեր է պարունակում: Ամեն կողմից ողբերգություն է դառնալու: Եթե դեմ ենք այդ խմբերին, ինչու՞ Հալեպից, Արևելյան Ղութայից, Հոմսից և նույնիսկ հարավից դրանց բերեցինք Իդլիբ»:

Չավուշօղլուն ավելացրել է, որ Թուրքիան Ռուսաստանին հստակ հայտնել է, որ այդ ռազմական գործողությունները սխալ են, հատկապես՝ Թեհրանում տեղի ունենալիք գագաթնաժողովից առաջ:

Աղբյուր` Haber7

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։