Հոդված11:16, 04 Սեպտեմբեր 2018
Էրդողանի կուսակցությունը միտված է ավելի սերտաճելու ազգայնականների հետ
Թուրքիայում 2018թ. հունիսի 24-ին տեղի ունեցած արտահերթ նախագահական և խորհրդարանական ընտրությունների ժամանակ, ինչպես հայտնի է, Ռեջեփ Թայիփ Էրդողանի գլխավորած իշխող «Արդարություն և զարգացում» (ԱԶԿ-AKP) կուսակցությունը հանդես էր եկել դաշինքով՝ «Ազգայնական շարժում» (MHP-ԱՇԿ) կուսակցության հետ միասին կազմելով «Հանրապետական դաշինքը»:
Ծայրահեղ ազգայնական հայացքներով, հակահայկական, հակաքրդական մոտեցումներով աչքի ընկնող MHP-ն համարվում է «Գորշ գայլերի» քաղաքական թևը: Ոչ վաղ անցյալում, բավականին երկար ժամանակահատված Էրդողանի և իշխող AKP-ի հանդեպ ընդդիմադիր կեցվածք ունեցող ազգայնական այս կուսակցությունը վերջին ժամանակաշրջանում բավականին մերձեցել է AKP-ին՝ ամեն կերպ աջակցություն ցուցաբերելով վերջինիս բոլոր կարևոր և վճռորոշ նախաձեռնություններում:
Ըստ էության՝ այս դաշինքի և համագործակցության արդյունքում ոչ թե MHP-ն է հեռացել ազգայնական իր ուղեծրից, այլ՝ AKP-ն աստիճանաբար ավելի է տեղ տալիս ծայրահեղ ազգայնական դրսևորումներին՝ փորձելով նաև մեծացնել իր ընտրազանգվածը՝ ի հաշիվ ազգայնականների: Այս ամենի արդյունքում ի հայտ է գալիս իսլամի և ազգայնականության ավելի կուռ միաձուլում իր քաղաքական հետևանքներով հանդերձ...
«Արդարություն և զարգացում» կուսակցության Տեղական ինքնակառավարման մարմինների (ՏԻՄ) հարցերով պատասխանատու, կուսակցության նախագահի օգնական Մեհմեթ Օզհասեքին, անդրադառնալով 2019թ. Թուրքիայում սպասվող ՏԻՄ ընտրություններին, խոսել է նաև դաշինքով հանդես գալու հեռանկարի մասին:
Ըստ թուրքական haberler.com կայքի՝ Օզհասեքին մասնավորապես նշել է. «MHP-ի հետ դաշինք կազմեցինք: Ազգը հավանեց այս դաշինքը: Հիմա առավել քան բնական է, որ դաշինքը շարունակվի նաև ՏԻՄ ընտրությունների ժամանակ»:
Ընդգծված հակաքրդական կեցվածք ունեցող MHP կուսակցության առաջնորդ Դևլեթ Բահչելին ավելի վաղ մտահոգություն էր հայտնել առ այն, որ Ստամբուլում որևէ շրջան կարող է հայտնվել ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) իշխանության ներքո:
AKP նախագահի օգնականը, ընդգծելով, որ իրենք կիսում են Բահչելիի մտահոգությունը, արտահայտել է այն միտքը, որ եթե շրջաններից մեկում HDP-ն հաջողության հասնի, դա կնշանակի հանդուրժել «Քուրդիստանի բանվորական կուսակցության» (ՔԲԿ-PKK) ներկայությունը տեղական ինքնակառավարման մարմիններում:
Նշենք, որ թուրքական իշխանությունները «Ժողովուրդների դեմոկրատական կուսակցությունը» (HDP-ԺԴԿ) դիտարկում են որպես իրենց կողմից ահաբեկչական համարվող «Քուրդիստանի բանվորական կուսակցության» (ՔԲԿ-PKK) քաղաքական թև:
Այս ենթաբաժնի վերջին նորությունները
Թուրքիայի ԱԳ նախարարը զգուշացրել է, որ քրդական YPG-ն և SDF-ն պետք է ինտեգրվեն Սիրիայի պետական կառույցներին և զինաթափվեն։ Որո՞նք են Սիրիայի քրդերի շուրջ Թուրքիայի մտահոգությունները:
Թուրքիայի Հանրապետությունը 102 տարեկան է: Այդ ընթացքում մահապատժի է ենթարկվել 712 մարդ:
Ստամբուլի նախկին քաղաքապետը նախագահական ընտրություններում ձայների 12 տոկոսի առավելությամբ կարող էր հաղթել Թուրքիայի ներկայիս ղեկավարին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |