Էրդողանը թյուրքախոս երկրներին կոչ է արել պայքարել գյուլենականների դեմ

Քաղաքական07:53, 03 Սեպտեմբեր 2018

Էրդողանը թյուրքախոս երկրներին կոչ է արել պայքարել գյուլենականների դեմ

Սեպտեմբերի 3-ին Ղըրղըզստանում մեկնարկել է թյուրքախոս երկրների համագործակցության խորհրդի նախագահների 6-րդ գագաթաժողը:

Ղըրղըզստանի նախագահի գլխավորած գագաթաժողովին Ադրբեջանը, Ղազախստանը և Թուրքիան մասնակցել են որպես խորհրդի անդամներ, Ուզբեկստանը` «պատվավոր հյուր», իսկ Հունգարիան` «դիտորդ երկիր»:

Գագաթաժողովին ներկա են գտնվել Ադրբեջանի նախագահ Իլհամ Ալիևը, Ղազախստանի նախագահ Նուրսուլթան Նազարբաևը, Ղըրղըզստանի նախագահ Սոորոնբայ Ժեենբեկովը, Թուրքիայի նախագահ Ռեջեփ Թայիփ Էրդողանը, Ուզբեկստանի նախագահ Շևքեթ Միրզիյովևը և Հունգարիայի վարչապետ Վիկտոր Օրբանը:

Գագաթաժողովի ընթացքում Թուրքիայի նախագահ Էրդողանին ուղեկցում է երկրի արտգործնախարար Մևլյութ Չավուշօղլուն:

Թուրքիայի նախագահը ելույթի ժամանակ ուշադրություն է հրավիրել տեղական արժույթներով ապրանքաշրջանառության իրականացման կարևորությանը:

Նա մասնավորապես նշել է, որ միջազգային առևտրում դոլարից կախվածությունն այլևս արգելք չէ: Էրդողանն առաջարկել է ապրանքաշրջանառությունն իրականացնել տեղական արժույթներով:

Թուրքիայի նախագահն անդրադարձել է Անկարայի կողմից ահաբեկչական համարվող ֆեթուլլահական կազմակերպությանը (FETÖ-գյուլենական համայնք): Նախագահը նշել է, որ «ֆեթուլլահական ահաբեկչական կազմակերպությունը» աշխարհի 4 կողմերում բույն է դրել` հիմնելով կրթական հաստատություններ:

Էրդողանն ասել է. «Այն, ինչ-որ տեղի ունեցավ մեզ հետ, պարզ ցույց է տալիս, որ մեր բարեկամները (նկատի ունի թյուրքախոս երկրներին) պետք է առանց հապաղելու պայքարեն գյուլենականների դեմ»:

Աղբյուր` Yenisafak

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։