Քաղաքական13:52, 03 Սեպտեմբեր 2018
Գերմանիայի արտգործնախարար. «Քաղաքական և տնտեսական առումով Թուրքիայի անկայունությունը մեզ չի հետաքրքրում»
Գերմանիայի արտաքին գործերի նախարար Հայկո Մաասը հայտնել է, որ սեպտեմբերի 5-ին հանդիպելու է Թուրքիայի արտգործնախարար Մևլութ Չավուշօղլուի հետ։ Հանդիպումը կայանալու է Թուրքիայում։ Մաասը մեկնելու է Թուրքիա երկօրյա այցով։
Չավուշօղլուի հետ կայանալիք հանդիպման մասին Գերմանիայի արտգործնախարարը խոսել է գերմանական Bild պարբերականի հետ։
Պատասխանելով գերմանական պարբերականի թղթակցի այն հարցին, թե արդյոք Գերմանիան Թուրքիայում տիրող տնտեսական ճգնաժամի պայմաններում ֆինանսական օգնություն կտրամադրի Անկարային՝ Մաասն ասել է.
«Քաղաքական և տնտեսական առումով Թուրքիայի անկայունությունը մեզ չի հետաքրքրում։ Բայց հիմա խոսքը ոչ թե կոնկրետ ֆինանսական օգնության, այլ Թուրքիայի հետ հարաբերությունների կարգավորման մասին է։ Դրա համար Թուրքիան էլ պետք է ջանք գործադրի»,- նկատել է Մաասը։
Վերջինս նաև նշել է, որ Թուրքիայի հետ կան մի շարք հարցեր, որոնք իրենց լուծումները չեն ստացել։
«Թուրքիայում անընդունելի պատճառներով կալանքի տակ է պահվում Գերմանիայի 6 քաղաքացի։ Առանց մեղադրական եզրակացության մարդիկ 1 տարուց ավել կալանքի տակ են պահվում։ Պետք է վերջ դնել այդ անընդունելի վիճակին»,- հավելել է արտգործնախարարը։
Հիշեցնենք, որ թուրք-գերմանական հարաբերությունները տևական ժամանակ լարված էին։ Լարվածությունը թուլացավ այն բանից հետո, երբ Թուրքիայում ազատ արձակվեց գերմանացի լրագրող, ազգությամբ թուրք Դենիզ Յուջելը։
Այս ենթաբաժնի վերջին նորությունները
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Արտգործնախարարները քննարկել են Ալյասկայում կայացած Թրամփ-Պուտին հանդիպումը։
Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հրդեհաշիջման աշխատանքներին ներգրավված է 6 ուղղաթիռ և 2 ինքնաթիռ, սակայն այն մարել դեռևս չի հաջողվում։
Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։
Թուրքիայի վիճակագրական կոմիտեն հրապարակել է «Սոցիալ-տնտեսական մակարդակ» ուսումնասիրության արդյունքները։
Հոդվածում անդրադարձ կա ռուս-ուկրիանական համակարտությանը և Ռուսաստան-Ադրբեջան հարաբերությունների ներկայիս փուլին։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |