Էրդողան. «S-400-ները գնելու համար չենք պատրաստվում ոմանց թույլտվությունը ստանալ»

Քաղաքական07:19, 03 Սեպտեմբեր 2018

Էրդողան. «S-400-ները գնելու համար չենք պատրաստվում ոմանց թույլտվությունը ստանալ»

Ղըրղըզստան մեկնած Թուրքիայի նախագահ Ռեջեփ Թայիփ Էրդողանը մասնակցել է թուրք-ղըրղըզական գործարար ֆորումին, որի ընթացքում խոսել է մի շարք օրակարգային հարցերի մասին։

Անդրադարձել է ռուսական զենիթահրթիռային «S-400» ՀՕՊ համակարգերի շուրջ ստեղծված իրավիճակին, ինչպես նաև Ղըրղըզստանում ակտիվ գործունեություն ծավալող գյուլենական համայնքի խնդրին։

«Մենք Ռուսաստանի հետ S-400-ների վերաբերյալ պայմանագիր կնքեցինք։ Ոմանք դրանից անհանգստանում են։ Ներողություն, բայց մենք այդ համակարգերը գնելու համար չենք պատրաստվում ոմանց թույլտվությունը ստանալ»։

Թուրքիայի նախագահը պնդել է, որ ինչպես Թուրքիայի համար, այնպես էլ Ղրղզստանի համար գյուլենական համայնքը վտանգ է ներկայացնում։

«Այժմ գյուլենական համայնքը սպառնալիք է ցանկացած երկրի համար։ Մեր երկրի կողմից իրականացված քայլերի միջոցով այդ կազմակերպության ողնաշարը կոտրվեց։ Մեզ համար օրակարգային հարց է նաև Ղըրղըզստանում գյուլենական համայնքի դեմ պայքարը։ Մենք հաղթեցինք հեղաշրջման փորձը։ Չենք ցանկանում, որ մեր եղբայրները նույնպես վերապրեն դա։ Գյուլենականները մուտք են գործել զինվորականության մեջ։ Նրանք նաև ներգրավված են տարբեր կառույցներում։ Գյուլենականները նույնն անելու են Ղըրղըզստանում»,-ասել է Էրդողանը։

Աղբյուր` Gazete Karinca

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։