Թուրք-հոլանդական հարաբերությունները կարգավորվում են

Քաղաքական14:09, 31 Օգոստոս 2018

Թուրք-հոլանդական հարաբերությունները կարգավորվում են

Թուրքիայի արտգործնախարար Մևլութ Չավուշօղլուն իր Twitter-ի էջում գրառում է կատարել, որտեղ խոսել է Նիդերլանդների արտգործանախարար Սթեֆ Բլոկի հետ ունեցած հանդիպման և թուրք-հոլանդական հարաբերությունները կարգավորելու որոշման մասին։

«Հոլանդացի գործընկերոջս՝ Սթեֆ Բլոկի հետ հանդիպեցինք Վիեննայում։ Մեր հարաբերությունները կարգավելու որոշման շրջանակներում պայմանավորվեցինք ամենակարճ ժամանակում նշանակել դեսպաններին։ Նշեմ նաև, որ Բլոքը հոկտեմբերի սկզբին պաշտոնական այց է կատարելու Թուրքիա»։

Հիշեցնենք, որ լարված երկկողմ հարաբերությունների պատճառով Հոլանդիան և Թուրքիան ժամանակավորապես ետ էին կանչել իրենց դեսպաններին։ Գլխավոր պատճառն այն էր, որ 2017-ի մարտի սկզբին Նիդերլանդներում բնակվող թուրք ընտրողների հետ հանդիպման նպատակով այդ երկիր էին մեկնել Թուրքիայի արտգործնախարար Մևլութ Չավուշօղլուն ու ընտանեկան հարցերի և սոցիալական ապահովության նախկին նախարար Ֆաթմա Քայան: Սակայն նրանց թույլ չէր տրվել անգամ մուտք գործել Նիդերլանդներ: Այցի նպատակն էր 2017թ. ապրիլին սահմանադրական հանրաքվեից առաջ հանդիպել Նիդերլանդներում բնակվող թուրք ընտրողների հետ: Ավելի ուշ ցամաքային ճանապարհով Հոլանդիա մուտք գործած Քայան արտաքսվել էր երկրից:

Աղբյուր` Haberturk

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։