Սիրիական ճգնաժամի հարցում Ստամբուլում տեղի է ունենալու քառակողմ հանդիպում

Քաղաքական07:36, 21 Օգոստոս 2018

Սիրիական ճգնաժամի հարցում Ստամբուլում տեղի է ունենալու քառակողմ հանդիպում

Պաշտոնական Մոսկվան հայտարարություն է արել, որ սեպտեմբերի 7-ին Ստամբուլում նախատեսվում է սիրիական ճգնաժամի հարցով քառակողմ հանդիպում Թուրքիայի, Ռուսաստանի, Գերմանիայի և Ֆրանսիայի նախագահների մասնակցությամբ:

ՌԴ նախագահ Վլադիմիր Պուտինի Մերձավոր Արևելքի և Աֆրիկայի հարցերով հատուկ ներկայացուցիչ Միխայիլ Բոգդանովն ասել է, որ սիրիական ճգնաժամի հարցով Ռուսաստանն արդեն սկսել է իր կապերը Գերմանիայի և Ֆրանսիայի հետ:

Իսկ թուրքական կողմի հետ շուտով կարևոր և հետաքրքիր նոր հանդիպում են ունենալու:

Կրեմլի մամուլի խոսնակ Դմիտրի Պեսկովի նախօրեին կատարած հայտարարության մեջ մասնավորապես նշվում էր, որ Պուտին-Մերկել հանդիպման ընթացքում օրակարգային է եղել քառակողմ գագաթաժողովը: Նախապես երկու կողմերն էլ ծրագրել էին հանդիպում կազմակերպել օգնականների և մասնագետների մակարդակով:

Մյուս կողմից Ռուսաստանի ռազմատեխնիկական համագործակցության դաշնային ծառայության տնօրեն Դմիտրի Շուգաևը հայտարարել էր, որ Մոսկվան սկսել է լրջորեն մտածել արտասահմանյան երկրներին զենքի վաճառքի հարցում դոլարից հրաժարվելու մասին:

Հիշեցնենք, որ Ռուսաստանի և Թուրքիայի միջև ստորագրված պայմանագրով S-400 զենիթահրթիռային համակարգերի մի մասի համար Թուրքիան Ռուսաստանին առձեռն վճարել էր 2.5 միլիարդ դոլար: Իսկ գումարի մյուս մասը Անկարան ծրագրում է վարկ վերցնի Ռուսաստանից և վճարի ռուսական ռուբլիով:

Աղբյուր` Haberturk

Այս ենթաբաժնի վերջին նորությունները

16:00, 18 օգոս

Թուրքիան մերժում է մարդու իրավունքների մասին ԱՄՆ պետդեպարտամենտի զեկույցը

Թուրքիայի արտգործնախարարությունը պնդում է, որ իրենց երկիրը հարգում է մարդու իրավունքները։

11:10, 18 օգոս

Ֆիդանն ու Լավրովը հեռախոսազրույց են ունեցել

Արտգործնախարարները քննարկել են Ալյասկայում կայացած Թրամփ-Պուտին հանդիպումը։

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։